O Xornal do Val Miñor. Baiona, Nigrán, Gondomar

As homenaxes ós represaliados do réxime franquista non son suficientes se o que se pretende é dignificar os que morreron pola causa republicana. Por iso, a Fundación Volta dos Nove e o Instituto de Estudos Miñoranos pretenden excavar as fosas comúns dos cemiterios de Baiona e San Xián, no Rosal. Alí se atopan, segundo as investigacións, once corpos de homes asasinados a mans de fascistas.

O grupo de tratro ourensán Nove Dous Teatro será o encargado de abrir un ano máis a Mostra de Teatro Roberto Vidal Bolaño de Gondomar. Este sábado 27 de outubro ábrese a mostra coa comedia Fóra de Xogo de Novedous Teatro.

Logo do éxito do comezo da nova tempada das sesións de contacontos do programa CONTOMAR o pasado luns, que contou coa presenza de máis de 40 nenos e nenas, o próximo luns haberá unha nova sesión dedicada ao tema do regreso á escola, con contos como "O primeiro día de escola de TEO", "Iago vai á escola" ou "Mila vai á escola", historias que nos permitirán reflexionar cos nenos e nenas sobre o cambio de hábitos que supón a fin do verán e o comezo das clases. 

Na Biblioteca Municipal do Concello de Nigrán, dentro da campaña de fomento á lectura 2007, imos levar a cabo 24 sesións de Contacontos; éstas serán o día 9 de xaneiro de 2008; cada un destes 12 mércores imos disfrutar de dúas sesións de Contacontos: a primeira sesión, adicada ós cativos e nenos ata os 12 anos, será en horario de 17 a 18 horas; e a segunda sesión, máis axeitada ós rapaces a partir de 13 anos e adultos, será dende as 19 ás 20 horas.

O pasado xoves día 11 de outubro celebrouse, no Teatro Colon de A Coruña, a gala de entrega dos "Premios Opinión" adicados á música galega e organizados polo xornal "La Opinión". O músico ourensan afincado en Sabarís, Xosé Luís Miguélez foi o encargado de abrir a gala nesta sexta edición, cunha presentación do seu novo CD "Esperanza", que sairá á venda coa Editorial Dos Acordes neste mesmo mes de outubro.

As sesións terán lugar todos os luns ás 18:00h, na Biblioteca Municipal de Gondomar. A Asociación de Nais e Pais "As Pontes", do CRA Antía Cal de Gondomar, retomou onte o proxecto de dinamización lectora CONTOMAR que inclúe, entre outras actividades, unha sesión semanal de contacontos para nenos e nenas de máis de tres anos na Biblioteca Muncipal.

 A sección de Recursos Didácticos do Instituto de Estudos Miñoranos dirixida por Pilar Barreiro Vilas vén de instalar no Colexio Público de Sabarís a exposición Os nomes do mar elaborada con materiais da recolleita de campo realizada por membros do IEM  e co traballo didáctico do Colexio Público de Camos merecente do Premio de Proxectos Didácticos Antonio Fraguas do Museo do Pobo Galego.

O pasado sábado 13 de outubro celebrouse unha ofrenda floral aos nove veciños do Val Miñor asasinados na noite do 15 de outubro de 1936 no lugar coñecido como A VOLTA DOS NOVE. Nesta ocasión ademais dos familiares e amigos participaron os alcaldes de Nigrán, Efrén Juanes, e Gondomar, Antón Araúxo, que realizaron unha ofrenda conxunta ante o monumento realizado polo escultor Fernando Casas.