O Xornal do Val Miñor. Baiona, Nigrán, Gondomar

O próximo xoves 1º de marzo ás 20:30 h. na Galería de Arte Iván Morillas de Sabarís (rúa Xulián Valverde, 64, Sabarís, Baiona) e dentro do ciclo A ARTE E A PALABRA estará con nós o debuxante Pepe Carreiro que será presentado por Rosana Estévez do Instituto de Estudos Miñoranos.

Entre os múltiples traballos do debuxante Pepe Carreiro acadaron enorme popularidade os célebres Bolechas quenes xa correron aventuras polos concellos do Miñor  http://www.gznacion.com/web/notic.php?ide=650  http://www.culturagalega.org/temadia.php?id=7780   polo que a actividade é moi recomendable para todas as idades.

Continuando coas tertulias literarias "Queremos Tanto os Libros" o próximo martes 27 de Febreiro, as 20:30 h. CAMILO FRANCO ,escritor e xornalista, presentaranos o seu libro PALABRAS CONTADAS de Edicións Xerais, na libraría  Libraida en Gondomar 

Máis dun cento de microrrelatos, outros trinta argumentos de novela, ademais de cinco relatos algo máis extensos, compoñen a obra "Palabras contadas" de Camilo Franco. Aproveitando a versatilidade da literatura breve, o autor aborda, con grandes doses de humor e ironía, os temas e os xéneros máis característicos da narración.

O catedrático da edafoloxía da USC, Francisco Díaz Fierros, será o convidado.

O próximo venres 2 de febreiro ás 20:30 h. no Pazo da Escola de Mañufe, en Gondomar terá lugar a cuarta das TERTULIAS do IEM deste curso organizadas polo Instituto de Estudos Miñoranos.
Como é costume tras a charla coloquio aberta ao público terá lugar unha cea co noso convidado. Para asistir á mesma é necesario facer reserva en chamada ao 680 644 490. 

Nesta ocasión estará con nós o profesor Francisco Díaz-Fierros Viqueira, o catedrático de Edafoloxía e Química Agrícola da Universidade de Santiago de Compostela, presidente do Seminario de Estudos Galegos e vicepresidente do Consello da Cultura Galega. 

O INSTITUTO DE ESTUDOS MIÑORANOS e a LIBRARÍA LIBRAIDA organizan un ha nova sesión das tertulias “QUEREMOS TANTO OS LIBROS “ que terá lugar o martes, 30 de Xaneiro , as 20.30 h. co profesor da Facultade de Ciencias da Educación da Universidade de Santiago,Antón Costa Rico (ver adxunto) que falará do seu libro “Historia da educación e da cultura en Galicia”
(ver adxunto).
O autor será presentado polo profesor do ISM de Panxón Henrique Porto.

O venres 26 de xaneiro ás 20:30 h. na Comandancia de Mariña de Baiona (rúa Elduayen) e organizado polo Instituto de Estudos Miñoranos terá lugar a presentación dos libros Para unha escriptoloxía do Galego de Xulián Maure Rivas e Fitotoponimia galega de Gonzalo Navaza Blanco.
Os dous volumes veñen de ser editados pola Fundación Barrié de la Maza dentro da Biblioteca Filolóxica Galega do Instituto da Lingua Galega.
No mesmo intervirán os dous autores, filólogos, profesores e veciños do Val Miñor que serán presentados polo director do Instituto de Estudos Miñoranos, Carlos Méixome.

Co novo ano reanúdanse as TERTULIAS DO IEM: O Autor e a súa Obra. O próximo venres12 de xaneiro ás 20:30 no Pazo da Escola de Mañufe (Gondomar) estará con nós o sacerdote, teólogo e historiador FRANCISCO CARBALLO . Será presentado polo concelleiro de Gondomar, Antonio Araúxo Quintas.

Galiza ten unha débeda con este ilustrado orixinario do concello de Maceda. El preferencia as súas orixes na aldea de Celeirón, ao abeiro do Val do Medo, preto do igrexario de Asadur. A súa entrega a prol deste país é absoluta e inequívoca. F. Carballo, que chegou a reito do teologado dos P.P. Paúles en Salamanca, puido facer carreira eclesiástica dende arriba e acadar algo semellante ao que conseguíu o Cardeal Quiroga Palacios pero optou polo cristianismo de base. Para máis inri fixo o reencotro en Vigo (1973) e dende unha óptica marxista e nacionalista: en primeira liña até 1985 no eido político (BNG), na docencia (UTEG), no xornalismo (A nosa Terra), asociacionismo (Cultural de Vigo), na investigación, na relixión (Irimia)...

O xoves catro (4) de xaneiro ás 20:30 horas terá lugar a primeira das tertulias A ARTE E A PALABRA deste novo 2007 que como sempre celebrarase na GALERÍA DE ARTE IVÁN MORILLAS (r/ Xulián Valverde, Sabarís, Baiona)

Nesta ocasión a nosa convidada será a miñorá, licenciada en Arte pola Universidade de Salamanca e doutora pola Complutense, PAULA BARREIRO LÓPEZ que nos achegará a súa visión da arte normativa española tema que desenvolveu na súa tese de doutoramento Arte Normativo español. Procesos y principios para la creación de un movimiento que, no ano que rematou, foi publicada polo Consejo Superior de Investigacións Científicas (CSIC).