Economía
Organizado pola escola de tempo libre FESAN, en colaboración co Concello de Nigrán, o obxectivo é a formación e capacitación para deseñar, programar, poñer en práctica e avaliar actividades de tempo libre e socioculturais orientadas á infancia, xuventude, persoas maiores ou con necesidades especiais. A titulación (homologada pola Xunta de Galicia) está orientada ao traballo en centros socioculturais, asociacións, campamentos, albergues, concellos, colexios (extra-escolares), escolas infantís, empresas turísticas, de lecer e tempo libre, etc.
O curso desenvólvese os sábados de maña e tarde no Centro Antena de Nigrán, desde o 18 de decembro ata o 29 de maio de 2011; completando 200h de teoría e ademais 150 horas de prácticas posteriores.
A praza da Ramallosa únese a campaña da Xunta de Galicia “Este inverno presume de praceiro/a. Elixe o teu/túa preferido/a” e gaña cheques quincenais.
O Plan Xeral de Ordenación Municipal é o gran pantasma dos tres concellos miñoranos. Ningún deles ten a tarefa feita e o 2010 despídese sen que o Val Miñor conte con regras claras en materia de urbanismo.O presidente da Asociación de Empresarios do Val Miñor, José Luis Froiz Espiño, manifestou a súa preocupación e responsabilizou este desarranxo legal de ser un dos grandes responsables da difícil situación pola que atravesa o sector da construción.
