O Concello de Baiona e o Instituto da Muller asinan un convenio para desenvolver o programa Clara, dirixido a incrementar a empregabilidade das mulleres do municipio durante os anos 2011 e 2012.

O Centro de Información a Muller (CIM) de Gondomar a partir do vindeiro  9 de agosto dará comezo un curso (gratuíto) chamado: "OFFICE BÁSICO: WORD E POWER POINT". Este curso (de 30 horas de duración) está destinado preferentemente a mulleres desempregadas e demandantes de emprego, onde se lles proporcionará coñecementos básicos sobre os programas de Word e Power Point.O prazo de inscrición rematará o vindeiro 2 de agosto.

A organización Mulleres en Igualdade ofrece un curso gratuíto para mulleres emprendedoras, onde se achegará ás alumnas información sobre nóminas, IVA, IRPF, etc, de cara a súa aplicación empresarial. O curso comezará o vindeiro 6 de xullo, e as clases se impartirán mércores e venres de 19:30 a 21:30 horas, nas instalacións da AA VV La Unión de San Pedro. É requisito fundamental ser veciña de Nigrán.

O Concello de Nigrán fixo unha convocatoria para un proceso selectivo para a provisión por oposición libre, dunha praza de enxeñeiro da subescala técnica de Administración Especial. O prazo para a presentación de solicitudes será de 20 días naturais a partir do 30 de xuño.