A concellaría de Patrimonio, Xuventude e Igualdade, a través da OMIX de Nigrán, organiza un obradoiro financiado pola Dirección Xeral de Xuventude da Xunta de Galicia, dirixido a mozos e mozas de entre 16 e 35 anos. Neste obradoiro impartiranse os seguintes contidos: estrutura da rede galega de información xuvenil, voluntariado xuvenil, mobilidade, emprego, vivenda, ensino e bolsas, entre outros. O prazo de inscrición é do 23 de agosto ao 15 de setembro na OMIX de Nigrán, na Antiga Estación de Tranvía ou no teléfono 986 383 081.

A Concellería de Promoción Empresarial, Comercio e Emprego do Concello de Nigrán, anuncia que abrirá a partir da vindeira semana o prazo de inscrición nun novo Curso de Ofimática con carácter gratuíto, dirixido preferentemente ás persoas desempregadas empadroadas en Nigrán, até un máximo de 15 alumnos.

A Concellería de Promoción Empresarial, Comercio e Emprego do Concello de Nigrán, en colaboración cunha empresa especializada neste tipo de formación, abrirá a partir da vindeira semana o prazo de inscrición nun Curso de Monitor de tempo libre, dirixido preferentemente ás persoas desempregadas empadroadas en Nigrán, até un máximo de 25 alumnos.

A Federación de Libreiros de Galicia (FLG) vén de recomendar aos seus asociados que non apliquen a suba do IVE no material escolar, que pasa do 4% ao 21%, até o 15 de outubro para non prexudicar a milleiros de familias. Segundo a devandita federación, "un 95%" dos seus socios (uns 200) seguirá esta suxestión, unha vantaxe que se poderá coñecer a través de carteis nas portas dos establecementos que apliquen a medida.