A Mancomunidade do Val Miñor prepara un "Taller de Divulgación do Cooperativismo", que se desenvolverá o próximo día 24 de outubro no Centro Neural de Gondomar en horario de 10:30 a 13.30 horas. Profesionais cualificados informarán aos participantes sobre as vantaxes do modelo cooperativo e darán a coñecer o papel que cumpren as empresas de economía social. Os interesados poden chamar ao 986 423366.
Economía
A Deputación abre tres obradoiros gratuítos para pequenos comerciantes cara ás ventas do Nadal.
A Deputación de Pontevedra lanzou hoxe unha convocatoria para autónomos e pequenas empresas do eido comercial de tódala provincia, cara a un conxunto de obradoiros gratuítos de formación dentro do programa "Vender máis Nadal" . O talleres desenvolveranse nun "espazo inspirado nun escenario de vendas real", montado na nova aula-taller de formación que a Deputación de Pontevedra vén de habilitar no 2º andar do Edificio administrativo.
50 postos de traballo coa chegada de Mercadona e Combustibles do Noroeste ao Val Miñor.
A cadea de supermercados Mercadona e a firma Combustibles do Noroeste prevén crear uns cincuenta novos postos de traballo no polígono Porto de Molle, que promove o Consorcio da zona franca de Vigo en Nigrán, segundo foi comunicado aos medios.
Curso de AutoCAD en Gondomar.
A oficina Municipal de Información Xuvenil do Concello de Gondomar informa que vai desenvolver a súa última acción formativa na área da Informática. Trátase dun curso básico de deseño a través do programa AutoCAD.É unha formación básica que consta de 30h que van dende o 18 ata o 31 de outubro.
25 veciños de Nigrán capacítanse nun curso de monitor de lecer.
Vinte e cinco alumnos, principalmente persoas en situación de desemprego empadroadas en Nigrán, comezaron a pasada semana un curso de monitor de tempo de lecer organizado pola Concellaría de Promoción Empresarial, Comercio e Emprego. O curso terá unha duración de 250 horas teóricas e 150 practicas, que acreditará cunha titulación oficial aos participantes ao remate.
JPAGE_CURRENT_OF_TOTAL