Economía
Os procesos de selección das empresas instaladas en Porto do Molle parecen desviarse das promesas políticas dos últimos anos de alcanzar acordos coas futuras empresas do parque empresarial co fin de dar prioridade aos veciños de Nigrán á hora de poder optar a un posto de traballo en contrapartida ao impacto xerado polo parque empresarial de 1 millón de metros cadrados.
O último en descartar a apertura dun proceso de selección foi a cadea de supermercados Mercadona. Onte a través da súa páxina oficial en Facebook, e tan só quince días despois de que os representantes da empresa valenciana visitaran Nigrán, Mercadona esvaeceu a esperanza de acadar algún dos 30 - 40 postos de traballo anunciados na visita institucional.
Este martes tivo lugar a inauguración do curso de cociña básica para mozas e mozos de entre 18 e 35 anos nas instalación do restaurante A Queimada, na Carrasca. Organizado polo Concello de Nigrán, o obradoiro convocou a dez mulleres e dez homes que nun mes traballarán en nocións de cociña básica, elaborando un prato e unha sobremesa cada día. O curso foi inaugurado pola concelleira de Patrimonio, Xuventude e Igualdade de Nigrán, María José Pino Fernández.
