A xornada, que terá lugar o vindeiro xoves ás 16.00 horas no Centro Neural, enmárcase dentro do programa Gondomar Emprega, posto en marcha pola Concellaría de Formación e Emprego de Gondomar

ANOVA Val Miñor entende que as multas que está a aplicar a Facenda do Estado español a milleiros de retornados polas súas pensións do estranxeiro son unha "nova estafa semellante á das Preferentes". O colectivo político presentou unha solicitude de paralización destas actuacións o pasado 30 de setembro no Rexistro Municipal de Gondomar, ante a gravidade do tema na bisbarras do Baixo Miño e Val Miñor, na que se calculan próximos de 2000 afectados. Pola súa banda, un grupo de veciños prepara a creación dunha plataforma en defensa dos intereses dos retornados, que terá a súa primeira reunión este mércores 9 de outubro ás 19 horas no local da Cofradía de Pescadores de Baiona. Na mesma recibirán a unha delegación de afectados de O Morrazo que achegarán a súas experiencias nos procesos entaboados contra o Ministerio de Facenda de España.

No Centro Antena "A Foz do Miñor" do Concello de Baiona impartirase a partir do próximo martes 15 de outubro, un curso gratuíto de informática básica. As clases prolongaranse ata o 30 de outubro, en horario de 10:00 a 14:00 horas.

-Curso  de Deseño, planificación e desenvolvemento de actividades de lecer e tempo libre e Curso de Serigrafía, gravado e estampado de camisolas.

A Concellería de Patrimonio, Igualdade e Xuventude do Concello de Nigrán a través da OMIX e a Deputación de Pontevedra no marco do Programa Actívate 2013, organiza un curso  de Deseño, planificación e desenvolvemento de actividades de lecer e tempo libre e un Curso de Serigrafía, gravado e estampado de camisolas , para mozos e mozas de entre 16 e 35 anos ( as persoas maiores de 35 anos poderán anotarse en lista de agarda ).