A tercceira edición do evento náutico "Flota como poidas" volve a acadar éxito de participación e público, que concentráronse nas beiras do Miñor nunha xornada onde os participantes tiveron que loitar contra vento e marea, e nunca mellor dito, dado que as correntes estaban en pleamar e arrastraban aos participantes río arriba.

O alcalde Francisco Ferreira e a concelleira de Cultura, Deportes e Igualdade, Nuria fixéronse presentes pola mañá á entrega de premios trala finalización do torneo de fútbol 7 organizado na parroquia de Morgadáns.

O Alcalde de Baiona, Jesús Vázquez Almuiña, e o concelleiro de Deportes, Anxo Rodal, recibiron esta mañá na Casa Consistorial ao deportista baionés Omar Rodríguez para desexarlle sorte na súa participación no Campionato de Europa de Loitas Olímpicas.

-O Concello de Baiona galardoa a Marta Canella Rodríguez tras gañar o Campionato Europeo sub-20 xunto á selección española feminina

Viguesa de nacemento pero baionesa de corazón, a xogadora de baloncesto recibía de mans do alcalde de Baiona un galardón tras facerse, o pasado 12 de xullo en Lanzarote, co Campionato Europeo Ou20 Feminino de Baloncesto.

Canella comezou o seu andadura no baloncesto na tempada 2004 da man do CB Airexa. Alí xogou uns dous anos e enganchouse a este deporte, aínda que nese tempo tamén xogaba ao fútbol en Ureca, agora a ED Val Miñor. Finalmente ficou no baloncesto e foise para o CB Baiona. A xogadora deu moitas tardes de gloria ao equipo baionés ata que cumpriu 14 anos e incorporouse ás filas do Celta, equipo no que xoga desde entón e co que renovou un ano máis.

A Deputación de Pontevedra dispuxo unha partida de 142 mil euros para subvencionar as escolas deportivas municipais na tempada 2014-2015. As bases da convocatoria, publicadas no boletín oficial da provincia deste mércores, fixa o regulamente e procedemento de concesión desta subvencións, en réxime de concorrencia competitiva.

O alcade de Nigrán, Juan González, e o concelleiro de Deportes Luís Sanromán recibiron hoxe no Concello a Pablo Denis, deportista de elite de Priegue e operario municipal que o venres parte cara a Castellón para participar nos Campionatos de España de Atletismo na modalidade de lanzamento de martelo.

No acto estivo tamén presente José Miguel Brandón, xerente do ximnasio Plaza Fitness co que, grazas a mediación do Concello, o mozo de 24 anos acaba de asinar un acordo de patrocinio que lle permitirá adestrarse neste espazo sen necesidade de trasladarse a Vigo ou desembolsar cartos do seu peto.

Os tres desexáronlle a mellor das sortes e o alcalde entregoulle unha camiseta co emblema de Nigrán. "É un orgullo para Nigrán contar con estes deportistas de elite e o Concello ten que estar sempre ao seu lado para axudalos e apoialos, engadiu González".

O Club Ciclista Rías Baixas volveu brillar no Circuíto Festas de Lousada. Si fai un ano logrou nesta clásica portuguesa a primeira vitoria da súa historia na categoría Élite e Sub 23, nesta ocasión situou a dous dos seus representantes entre os seis primeiros. Aser Estévez obtivo a quinta posición e Samuel Rodríguez a sexta. Ademais, Cristian Mota tamén acabou no grupo cabeceiro.

O alcalde de Nigrán Juan González e a tenente alcalde e concelleira de economía Raquel Giráldez clausuraron hoxe no pavillón de deportes de Panxón o campus deportivo que o CB Nigrán organizou en colaboración co Concello.

No acto de clausura, á que tamén asistiu o presidente do CB Nigrán Pablo Vilas, fíxose entrega a todos os nenos e nenas dun diploma acreditativo e un obsequio para os profesionais que responsables das diferentes actividades do campus. Cinco días en horario de 10 a 14 horas nos que se desenvolveron diferentes actividades deportivas e diferentes talleres dirixidas por profesionais expertos en diferentes campos, adestradores superiores, licenciados en INEF, médicos , profesores e coordinadores de tempo libre .