Álvaro González Cameselle (1º), Javier Miguelez Martínez (2º) e José Manuel Novoa (3º) consagráronse no III Campionato Galego de Grandes Maquetas de Radiocontrol que tivo lugar no marco da concentración aerodeportiva desta mañá en Panxón.

O xurado da competición valorou a similitude da construción co orixinal e a súa limpeza e estilo de voo. Estas réplicas (arredor de 20) superan os 2 metros de envergadura e poden dispoñer de diferentes tipos de motorización, dende queroseno, gasolina a electricidade.

A partir do próximo 1 de setembro o Club Baloncesto Nigrán comeza os seus adestramentos nas pistas do pavillón municipal e no CPI de Panxón. Á vez fai unha convocatoria a nenas e nenos que desexen formar parte dos equipos de minibasket do club.

Sinalan que esas sesións de adestramento supoñen o inicio da tempada de cara á preparación dos seus equipos na Liga da Federación Galega de baloncesto que comezará o próximo mes de outubro.

Por primeira vez no que vai de tempada o Club Ciclista Rías Baixas compite na súa provincia. Será esta fin de semana polas rúas de Vigo no Díptico de Galicia. Aser Estévez, que o pasado domingo obtivo o seu oitavo título autonómico de contrarreloxo individual, capitaneará ao conxunto do Val Miñor.

O corredor guardés tamén é o vixente campión galego Élite de fondo en estrada e na súa palmarés conta con varias vitorias na cidade olívica. Sen ir máis lonxe, fai un ano impúxose na cronoescalada a O Castro. O seu gran obxectivo neste final de campaña é a Volta a Galicia que se celebra na segunda metade de setembro.

Tralo acordo alcanzado este verán con Baiona de vincular equipos cadetes e junior en ambas categorías arrinca o junior feminino como Airexa-Baiona. Failo cun combinado de xogadoras de ambos clubs e lideradas por Manu Martín e Roberto Canella como segundo adestrador.

Ambos profesionais de prestixio e recoñecida experiencia, Roberto Canella leva anos vinculado tanto ao Baiona como ao Airexa. Non é así o caso de Manu Martín, que inicia unha nova etapa involucrándolles neste novo proxecto.

O concesionario Renault Dacia RODOSA, patrocinará ao novo arqueiro de Vincios , Ruben Rodríguez Alleres pertencente ao Club Serra de Gondomar para a nova tempada.

Nomeadamente no Campionato de España de percorridos de bosque 3D. Competición que vaise celebrar o día 12 de Setembro de 2015, nas instalacións do Club C.D.E. Arqueros de Madrid situado en San Agustín de Guadalíx.

A 6ª edición do Torneo Baiña FS congregará a equipos e deportistas Galicia e Portugal durante unha fin de semana de competencias no Pavillón Municipal. O evento organizado polo club anfitrión en colaboración co Concello de Baiona se desenvolverá o día sábado 5 de setembro.

O Baíña FS en colaboración co Concello de Baiona organiza desde fai 6 anos este torneo que ten como fin promocionar o Fútbol Sala na localidade, así como achegar equipos de diferentes zonas de Galicia e de Portugal.

Un torneo que sempre tivo invitados de luxo como o Santiago Futsal, O Parrulo Ferrol, o Poio Pescamar, O Cidade de Ourense, o ADFS Bueu, O Cerveira Futsal, Ponte Da Barca, Afifense FS, o Vigo 2015, en anteriores edicións.

O campionato de ultralixeiros contará coa copiloto ao mando máis nova de España, a nigranesa Enola Fernández, de só 6 anos

O evento inclúe unha competición de grandes maquetas de radiocontrol, coas que ademais se realizará unha exhibición de voo acrobático

O paseo acollerá tamén a exposición de maquetas de avións de combate, a turborreacción e helicópteros

A presidenta da Deputación de Pontevedra anuncia un novo modelo de axudas en material deportivo básico para clubs da provincia

Sinala que esta liña de axudas responde a un novo modelo de xestión do goberno da Deputación de Pontevedra baseado no lema "con todos e para todos"

Carmela Silva, anunciou hoxe que en setembro se porá en marcha unha nova convocatoria de axudas para equipar e dotar de material deportivo os clubs provinciais.

Estas axudas, que anteriormente se outorgaban mediante a libre disposición de fondos, xorden como resposta ó novo modelo de xestión do goberno provincial que ten por obxectivo gobernar, como asegurou Carmela Silva esta mañá, "con todos e para todos".