Non queda xa moito espazo para verdades canónicas. Sospeito que hai, aínda, moito infinito, na nosa ollada máis ou menos benevolente. Flaubert, pola boca da súa personaxe Bouvard, dicía que os argumentos da ciencia artéllanse cos datos aportados por unha mínima parte do todo, sen coincidir, posiblemente, co resto que aínda ignoramos, moito maior e aínda por descubrir. Desa indiscutible premisa, Flaubert derivaba, loxicamente, que a verdade de hoxe é o erro de mañá, que todo é incerto e variable, contendo, en proporcións descoñecidas, tanta verdade como falsidade. De ai que, fronte ese baleiro existencial que vai da man dun coñecemento contemporáneo sempre precario, opoñamos esa feble e insegura ollada que ven a ser o fundamento da razón individual e autónoma. Se cadra, o sensentido xeral ven a ser a suma dos sentidos particulares e non a súa ausencia.  Aínda así, neste tempo saturado de redundantes obxectos, de esquivos xogos de espellos, de presuntas funcións e necesidades, de obsolescencias impostadas, de chambonadas máis ou menos ocorrentes e gratuítas, non deberíamos esquecer aquel esprit de finesse que Pascal prefería ao frío esprit de géométrie, ríxida e mecánica inercia que, desprazando todo interese polos fins, concéntrase única e exclusivamente nos medios.

O arquitecto gondomareño Antonio Soliño Troncoso será galardoado cun dos premios Gran de Area 2012 que entregarán as delegacións co Colexio Oficial de Arquitectos de Galicia de Pontevedra e Vigo. A distinción foi outorgada polo proxecto "Rehabilitación e ampliación de vivenda unifamiliar" que Soliño está a desenvolver nunha finca do barrio d'A Barga , na parroquia de Donas (Gondomar). A cerimonia de entrega dos galardón  terá lugar este venres 26 de outubro, ás 18 horas no Salón de Plenos do Concello de Campo Lameiro.

A moza Yolanda Gómez Fernández (Nigrán), foi galardoada co primeiro premio do V Certame de Fotografía "Viaxando", pola súa fotografía "Choiva en Oxford Street". A obra foi seleccionada de entre 50 traballos que analizou o xurado formado polos fotógrafos José Anxo Gándara, Wladimir Brey, Antón Ferreira e Jorge Alonso, responsables dos xornais dixitais galiciasuroeste.info e Infomiño.

Trátase dunha recopilación de artigos de prensa de Xosé Luís  Méndez Ferrín, arestora Presidente da Real Academia Galega, publicados no Faro de Vigo, Hoja del Lunes, etc., que teñen un denominador común ao referirse a lendas, tradicións, etimoloxía ou microtoponimia e como non, ¡madía leva!, a problemas dese abstracto xeográfico que deuse en chamar "Terra de Turonio", problemas algún, que malfaladamente, seguen sen resolverse.