O pulo cultural da produción galega nas artes ten no concello de Gondomar un escenario permanente ao longo do ano. Para vencellar o perfil, a Concellería de Cultura local apostou por un programa de lecer para este verán onde os protagonistas serán unha escolma de grandes artistas da terra que percorrerán o municipio dende o vindeiro 1 de xullo ate o domingo 23 de setembro.

Como consecuencia das conversas mantidas con ela, de ter percorrido a unha velocidade pertinente o desordenado estudio-obradoiro no que traballa, de observar durante longo tempo a obra que produce, de meditar sobre algunhas percepcións miñas e outras tantas certezas, cheguei á conclusión de que ROSALÍA PAZO precisa dun tempo lento para traballar; de que ama e goza coa xestación e procesado de cada unha das partes da obra durante un tempo tan imprescindible para ela coma o aire que, a intervalos constantes, lle inunda os pulmóns. Estou convencido de que aquel tempo de pescuda, maduración, elaboración e perfeccionamento da obra que tanto necesitaba e atormentaba a Beethoven, na distancia, é compartido en silencio por Rosalía. Se ben, a ela, non sei se a atormenta. 

-O tradicional certame literario escolar de Gondomar organizado polo Concello de Gondomar coa colaboración do Instituto de Estudos Miñoranos pechou este martes 19 de xuño, coa entrega de premios na súa décima edición.

-Os gañadores foron obsequiados cun cheque en metálico para consumir no comercio local de Gondomar

Coa celebración da IV Fogueira dos Versos o vindeiro sábado 23 de xuño Espazo Lectura pechará unha tempada dificilmente igualable na historia da cultura e a dinamización lectora da bisbarra. A xuntanza comezará as 21 horas na Casa da Lectura (Nogueira, 8 – Donas), e a asociación convida a cativos e maiores a achegarse cuns versos para lelos á luz das fogueiras. Logo dunha cea compartida, haberá música e un espectáculo de maxia á media noite.