Os arqueólogos miñoranos comezarán a terceira campaña de escavacións que rematará cos estudios de datación nos laboratorios do CENIEH, de Burgos.
Ciencia
A datación dos restos paleolíticos de Arbo investigados polo IEM poderían chegar aos 500.000 anos.
Curso da UMP en Gondomar: "Dende o balado ao clic. A construción das novas sociedades rurais galegas"
-Están abertas as inscricións para o curso "Dende o badal ao clic. A construción das novas sociedades rurais galegas", organizado polo IEM e a Universidade Internacional Menéndez Pelayo.
As Líridas visitan os ceos do Val e achegarán a súa mellor faciana na madrugada do domingo.
A vindeira madrugada do sábado21 ao domingo 22 de abril os curiosos dos fenómenos astronómicos terán a posibilidade de observar as Líridas. Unha choiva de meteoritos que sen ser das máis activas ten a particularidade de deixar meteoros moi lúcidos, que " duran bastantes segundos na atmosfera ou alcanzan un brillo significativo", segundo datos aportados polo astrónomo Pablo Martínez Alemparte. O radiante, a constelación de Lira, sairá sobre o horizonte Leste cara a as 22:10h do sábado e será a partir desa hora que comezaremos a poder observar meteoros aumentando a actividade conforme achegámonos á hora do máximo, sobre ás 07:30h do domingo.
Máis de cen futuros técnicos en toponimia rematan a súa formación en Gondomar.
-Durante este venres 23 e o vindeiro sábado 24 rematará na sede do Instituto de Estudos Miñoranos, o I Curso de Formación de Especialistas en Toponimia que formará a máis de cen técnicos de campo.
-Con cento dez persoas matriculadas, o curso desenvolveu as súas anteriores sesións en Vigo (os días 2, 3, 9, e 10 de marzo) e en Pontevedra (23 e 24 de marzo) co obxectivo de formar especialistas na recollida de toponimia, achegarse á metodoloxía e ás ferramentas básicas, aproximarse aos problemas específicos da recollida, coñecer experiencias prácticas e realizar prácticas de campo en distintos concellos.
-Ao remate dos relatorios serán entregados os diplomas acreditativos polo alcalde de Gondomar, Fernando Guitián, o vicerreitor de Extensión Cultural da Universidade de Vigo, Henrique Costas, o director do IEM, Carlos Méixome e o director do curso Gonzalo Navaza.
As cámaras dos astrónomos das Rías Baixas rexistran aos dous xigantes que dominan o ceo do val.
Unha fermosa estampa domina os ceos do val, trátase da aliñación que por estes días presentan os planetas Xúpiter e Venus. Por mor do derroteiro das súas órbitas, atópanse a 3º de distancia aparente (un puño pechado co brazo estendido cobre uns 10º do ceo), e o vindeiro domingo 25 de marzo farán un anaquiño para deixar que a lúa se coloque no medio dos dous "astros errantes", nun espectáculo de tripla aliñación moi poucas veces visto.
JPAGE_CURRENT_OF_TOTAL
