O novo traxe de EEUU resucita a controversia sobre os beneficios de novos materiais nos xogos olímpicos.

Mentres Bosco disfraza aos atletas españois con estampados imposibles para os Xogos Olímpicos, Nike proporcionou a EEUU un traxe de competición que promete conseguir medallas: TurboSpeed. O traxe, confeccionado con sofisticados materiais e probado durante 1.000 horas no túnel de vento, pretende simular a capacidade aerodinámica das bólas de golf con redondos buracos colocados estratexicamente. Grazas á súa suposta capacidade aerodinámica, os velocistas mellorarán as súas marcas en 0,023 segundos nos 100 metros, promete a marca de roupa deportiva.

A maior identificación errónea rexistrada no mundo ameaza o futuro do rapante manchado, capturado sen control.

Un equipo de biólogos españois atopou a maior identificación errónea de peixes detectada no mundo. O 60% dos rapantes (gallos) das pescaderías españolas están mal etiquetados. O que se vende como rapante europeo ou do norte é, en moitísimos casos, rapante manchado, outra especie máis pequena caracterizada polos catro lunares negros nas aletas próximas á cola. Os investigadores, da Universidade de Oviedo, alertan de que a identificación errónea conduce á sobrepesca invisible do rapante manchado e, a longo prazo, pode conducir á redución das poboacións “e mesmo a unha eventual extinción”.

O xacemento arqueolóxico paleolítico d'O Cabrón (concello de Arbo,) un complexo duns 300 mil a 500 mil anos de antigüidade, será aberto ao público este sábado 21 de xullo. Os visitantes poderán asistir no horario das 11:00h e ás 18.30h, para participar dun percorrido guiado polo equipo do Instituto de Estudos Miñoranos (IEM) que está a desenvolver a súa 3ª tempada de traballos nesa estación arqueolóxica.

O director do CERN explicou a MATERIA as implicacións do logro anunciado polo organismo a pasada semana. “É a primeira vez que vimos o ADN do universo”, asegura.

Rolf Heuer ten perfil de supervillano. Este alemán nado tres anos despois da II Guerra Mundial é o xefe de 6.000 científicos de 80 países. Controla un armazón subterráneo construído preto de Xenebra (Suíza) no que hai seis sofisticados aceleradores de partículas. O maior de todos é o LHC, un anel de 27 quilómetros composto por 9.200 imáns capaces de xerar enerxías próximas ás do Big Bang.