Portos de Galicia prevé iniciar as obras de construción da estación marítima de Baiona a principios do vindeiro outono. Con este fin, o ente público está a ultimar os trámites necesarios para dar comezo aos traballos a finais do mes de setembro.

Concentración ás 12 horas nas portas do Concello de Baiona contra a diminución do servizo de ambulancia.
Para Urxencias Sanitarias 061 a cobertura está garantida en todo o territorio galego.
CIG, CCOO e UGT presentaron convocatoria a unha folga del sector para o vindeiro xoves 8 de setembro.

O sindicato da CIG vén de denunciar o recorte de cinco ambulancias do 061, que son as que se encargan de atender as urxencias, os accidentes, infartos... en toda Galiza. Recortes que afectarán a Baiona, Ponteareas, Marín, Vigo e a Mariña lucense. Xabier Aboi, da FGAMT-CIG denuncia que "esta decisión é consecuencia dos recortes anunciados pola Xunta de Galicia e plasmados no Decreto de Transporte Sanitario, que xa fora denunciado hai un ano, cando aínda estaba en fase de borrador. Uns recortes que non teñen xustificación e que terán "graves consecuencias" para a calidade e cantidade dos servizos públicos prestados polas ambulancias no noso país. "

A partir deste xoves 11 e por 15 días hábiles estará a exposición pública e co obxectos de que podan presentarse reclamacións e suxestións polos interesados, o orzamento xeral do Concello de Baiona para o ano 2011, xunto cos seus anexos e documentacións. Co mesmo fin e prazo estará exposta ao público o expediente de modificación nº 3/11 do orzamento xeral do Concello de Baiona para 2010, prorrogado para 2011 mediante crédito extraordinario por importe de 36.000 euros e un suplemento de crédito de 134.800 euros.

930 persoas figuran como demandante de traballo ao 31 de xuño no Concello de Baiona. Unha cifra que representa case o 11% da súa poboación activa. Nembargante, o "efecto verán" trouxo un descenso de máis de 13 puntos de porcentaxe - tomando as contratacións feitas entre xuño e xullo- en relación á situación no mes de maio. Son 140 traballadores que abandonaron os rexistros do paro, dos cales 36 ingresan por primeira vez ao mercado laboral.

Salvamento Marítimo remolcou até Baiona (Pontevedra) unha embarcación que apareceu semi afundida e abandoada a tres millas ao oeste de Cabo Silleiro. A embarcación foi atopada por un transatlántico que partiu onte domingo pola tarde dende Vigo.

A embarcación 'Gavela', que así se chamaba, ten oito metros de eslora e motor.  Atopábase soa e sen tripulación según informou Salvamento Marítimo. A embarcación foi finalmente remolcada até o porto de Baiona.

O alcalde Jesús Vázquez Almuíña acompañado polo conselleiro de Económía e Industria Javier Guerra inauguraron hoxe as reformas da Rúa Carabela La Pinta de Baiona. Guerra lembrou que a Consellería ten investido preto de 4,7 millóns de euros na dinamización empresarial e comercial do concello, así como na mellora dos seus servizos e mais na creación de emprego, a través do plan Ágora - Agora re-Comercia da Xunta de Galicia.

Finalmente, e dous meses despois da súa data oficial de remate, as obras na Rúa Carabela Pinta serán inauguradas mañá 2 de agosto, ás 13 horas polo Concello de Baiona. Ademais das autoridades locais, o acto contará coa presenza do conselleiro de Economía e Industria, Javier Guerra, a directora xeral de Comercio Nava Castro Domínguez e mais a delegada da Xunta en Vigo Lucía Molares.