Máis de 400 altas de empadroamento amoreadas nunha cadeira do Concello de Gondomar agardan a súa tramitación dende xuño de 2010. Un único funcionario, “superado” pola acumulación de solicitudes, “sigue y suma” dende xuño a xaneiro de 2011 según denunciou o candidato socialista Francisco Ferreira. O líder dos socialistas anunciou medidas para dirimir responsabilidades: “Lo que está haciendo el gobierno de Gondomar es tan grave y genera consecuencias tan perjudiciales para Gondomar y sus vecinos que lo denunciaremos de inmediata ante el Instituto Nacional de Estadística y el propio Defensor del Pueblo”.

Os traballos na Escola Musical da Parroquia de Vincios "realízanse a bo ritmo"informou o Concello de Gondomar. A obra conta cun orzamento de 325 mil euros subvencionados pola Deputación de Pontevedra. A reforma permitirá o acondicionamento e ampliación das instalacións onde se reúne a emblemática Banda de Música de Vincios e reciben cursos musicais máis de oitenta rapaces de todo o Val Miñor, cifra que a converte nunha das escolas galegas de maior envergadura no xénero.

Mercar no supermercado, xogar á Primitiva, visitar a sede do BNG ou ingresar nalgunha das vivendas pode converterse nun acto perigoso para os viandantes das beirarrúas da Praza Manuel Alonso, no centro de Gondomar. En obras dende o pasado mes de decembro, os traballos levan varias semanas sen progresar e a desfeita cobrou unha vítima o pasado luns segundo unha denuncia formulada polo BNG á prensa.

O Pleno de Gondomar votou por unanimidade apoiar á postura da Comunidade de Montes de Vincios que rexeita a instalación dun parque eólico no monte veciñal da devandita parroquia e a inclusión dunha figura de protección do solo da serra na redacción do Plan Xeral de Ordenamento Territorial (PXOM) que o municipio está a facer. A moción foi proposta pola agrupación municipal do BNG e xa estaba consensuada pola comisión de portavoces na sesión do venres 7 de xaneiro.