Veciños das parroquias de Vincios, Peitieiros, Chaín, Morgadáns e Couso fixeron unha concentración esta tarde en protesta pola falla de seguridade peonil que afecta a estrada PO-341 (Vincios - Couso). Os afectados denuncian que pese ás promesas da Consellería de Medio Ambiente, Territorio e Infraestruturas, a obra a piques de rematar, restou beiravías, e colocou valados metálicos nas curvas que fan imposible o tránsito de peóns. Dende a Xunta informáronlles que a ampliación de sendas peonís necesitan da cesión de terreos que deben xestionar ante o Concello de Gondomar. Os viandantes, que afirman que iso non é así por tratarse dunha estrada autonómica, pediron igualmente a devandita cita ao municipio a que foi concedida para o vindeiro 31 de outubro.
Gondomar - Noticias de Gondomar e Val Miñor
Aproximadamente son 55 as hectáreas afectadas por múltiples focos de lume en Gondomar
A Consellería de Medio Rural asegura que están controlados os dous lumes rexistrados esta madrugada no municipio de Gondomar, que afectaron principalmente ás parroquias de Mañufe e Chaín. O sinistro en total danou aproximadamente 55 hectáreas de montes comunais. Axentes que participaron nas actividades de auxilio aseguraron a esta Redacción que os focos foron múltiples e claramente provocados al iniciarse pola madrugada en ambos os dous casos.
Varios focos intencionados de lume arderon dende a madrugada en Gondomar.
Varios focos de lume intensionado atópanse controlados no concello de Gondomar. Diseminados polos montes veciñais de Vincios, Chaín, Gondomar, Mañufe e Donas, o servizo do GRUMIR foi alertado dos mesmos sobre as catro da madrugada. O equipo de emerxencias da bisbarra só contaba cun operario en garda domiciliaria, o que debeu asistir acompañado dun membro de Protección Civil. Aínda sen reporte oficial, os axentes informaron que non se coñecen vítimas e aínda que varios dos focos atopábanse perto de vivendas, tampouco hai demomento informe de danos. Os efectivos salientaron que o lume afectou varias hectareas dos montes veciñais, mais non souberon precisar a cantidade. Equipos de bombeiros e cadrillas de axentes forestais manteñen o rego das zonas afectadas ante os informes meteorolóxicos de incremento das temperaturas para esta tarde.
Para o BNG o goberno de Guitián aínda non amosa diferenzas co anterior ao cumprir 100 días de goberno.
![Os 100 primeiros días do rexedor Fernando Gutián, non amosan cambios co do anterior mandato para o BNG. Os 100 primeiros días do rexedor Fernando Gutián, non amosan cambios co do anterior mandato para o BNG.](/images/resized/images/stories/gondomar/edificioconcello_100_100.jpg)
O BNG provoca un pleno extraordinario para tratar o PXOM en outubro e cualifica de faltos de sensibilidade social os 100 primeiros días do goberno de Fernando Guitián. Os nacionalistas entenden que o actual goberno muncipal cun terzo dos seus membros identificados co anteriror mandato, aínda non amosou elementos diferenciadores coa anterior xestión muncipal. Nese sentido denuncia que se seguen perdendo subvencións e pagando facturas con reparos da intervención municipal. Como xa o fixeran no útlimo pleno da corporación, denunciaron en rolda de prensa, a situación da policía local que ten que cumprir as súas tarefas nun vehículo camuflado, fóra do ordenamento legal á vez que acusan que as axudas escolares concedidas a 57 familias das 140 que se presentaran á convocatoria, foron realizadas a través dun sistema de puntuación onde segundo consta na acta de resolución “non queda xustificado a puntuación obtida por cada candidato”.
Acomisión informativa dos asuntos do pleno será a encargada de vixiar a tramitación do PXOM de Gondomar.
JPAGE_CURRENT_OF_TOTAL