Venres, 29 Maio. 2020

Actualizado12:21:09 AM GMT

Estás en Canais

Entrega do III premio de Xornalismo Nano Cambeiro

Correo-e Imprimir PDF

O venres 27 de xaneiro seralle entregado ao xornalista David Reinero González o III Premio de xornalismo Nano Cambeiro. 
Os actos de entrega do premio, aprazados en sinal de loito pola asasinato da moza de Baredo Águeda González, terán lugar ás 20:30 h. na Capitanía Marítima de Baiona.

O Premio de Xornalismo NANO CAMBEIRO foi instituído polo Instituto de Estudos Miñoranos para lembrar ao xornalista e fundador desta entidade cultural.

Nesta Terceira Edición, o premio concedéuselle a DAVID REINERO GONZÁLEZ un mozo xornalista miñorano que une o seu nome ao de consagrados escritores como Xosé Luís Méndez Ferrín e Francisco Fernández del Riego que o recibiron nas anteriores edicións. No artigo premiado Cando Praia América tiña mil nomes, publicado no xornal Atlántico Diario o luns 23 de febreiro de 2004, faise unha achega a toponimia do areal nigranés en perigo de desaparición, víctima da exótica e simple denominación de Praia América, tal e como lle aconteceu a maior parte do que fora maior areal e complexo dunar da ría de Vigo soterrado baixo toneladas de formigón e asfalto.

Aplazamento da entrega do III Premio Nano Cambeiro de Xornalismo

Correo-e Imprimir PDF

[email protected] do IEM
Ante a triste nova do asasinato de Águeda González Portela e como mostra de pesar acordamos suspender os actos de entrega do III Premio de Xornalismo Nano Cambeiro e trasladalos para o venres 27 de xaneiro á mesma hora (20:30) e no mesmo lugar(Capitanía Marítima de Baiona).

TERTULIAS LITERARIAS "QUEREMOS TANTO AOS LIBROS "

Correo-e Imprimir PDF
24 de Xaneiro , ás 20:30 horas, na Librería Libraida , con: MERLÍN E FAMILIA de Álvaro Cunqueiro con Xosé Antón Araúxo

Publicada en 1955, Merlín e familia é a novela fundacional da obra narrativa de Alvaro Cunqueiro ( Mondoñedo,1911- Vigo, 1981 ) .Un universo, único na literatura, xorde nas fascinantes e engaioladaras historias que conta Felipe de Amancia, paxe ao servicio do mago Merlín.En Cunqueiro, a arte das palabras, tinguida polo fino humor, sorprende pola capacidade para facer convivir o mito co mundo cotián. Maxia para o lector.



O xornalista David Reinero González recibirá o III Premio de xornalismo Nano C

Correo-e Imprimir PDF

O Premio de Xornalismo NANO CAMBEIRO foi instituído polo Instituto de Estudos Miñoranos para lembrar ao xornalista e fundador desta entidade cultural.

Nesta Terceira Edición, o premio concedéuselle a DAVID REINERO GONZÁLEZ un mozo xornalista miñorano que une o seu nome ao de consagrados escritores como Xosé Luís Méndez Ferrín e Francisco Fernández del Riego que o recibiron nas anteriores edicións. No artigo premiado Cando Praia América tiña mil nomes, publicado no xornal Atlántico Diario o luns 23 de febreiro de 2004, faise unha achega a toponimia do areal nigranés en perigo de desaparición, víctima da exótica e simple denominación de Praia América, tal e como lle aconteceu a maior parte do que fora maior areal e complexo dunar da ría de Vigo soterrado baixo toneladas de formigón e asfalto.

Tertulias do IEM con Lidia Senra

Correo-e Imprimir PDF

Foto Galizacig.org

O próximo venres 13 de xaneiro de 2006, ás 20:30 h. no PAZO DA ESCOLA de Mañufe, Gondomar, terá lugar unha nova TERTULIA DO IEM: O autor e a súa obra.

Nesta ocasión estará con nós a labrega, Secretaria Xeral do Sindicato Labrego Galego - Comisións Labregas, ecoloxista e feminista Lidia Senra
. A importantes achegas desta muller que leva dúas décadas ao fronte do movemento sindical labrego galego están suficientemente contrastadas, pero ademáis Lidia Senra é que de anovar o seu discurso político e sindical e proxectalo non só no ámbito europeo coa súa decisiva participación no proxecto Vía Campesina europea, senón tamén no movemento alterglobalizador salientando as súas criticas á Organización Mundial do Comercio. Ademais o seu feminismo exercido dende un cargo sindical como o que detenta non deixa de ser outro aspecto a destacar na súa actividade social.

TERTULIAS LITERARIAS "QUEREMOS TANTO AOS LIBROS "

Correo-e Imprimir PDF
A LIBRERIA LIBRAIDA e o INSTITUTO DE ESTUDOS MIÑORANOS TERTULIAS LITERARIAS "QUEREMOS TANTO OS LIBROS " - PROPOÑEMOSCHE UN NOVO LIBRO 
13 de Decembro , ás 20:30 horas, na Librería Libraida:

MAR MORTO de JORGE AMADO Con MINA MARX 

Jorge Amado

Avô, mesmo que a gente morra, é melhor morrer de repetição na  mão, brigando com o coronel, que morrer em cima da terra, debaixo de relho, sem reagir. Mesmo que seja pra morrer nós deve dividir essas terras, tomar elas para gente. Mesmo que seja um dia só que a gente tenha elas, paga a pena de morrer".

(Os Subterrâneos da Liberdade - Agonia da Noite)

Camilo Nogueira nas tertulias do IEM

Correo-e Imprimir PDF
O próximo venres 2 de decembro, ás 20:30 h. no PAZO DA ESCOLA de Mañufe, Gondomar terá lugar unha nova TERTULIA DO IEM: O autor e a súa obra. Nesta ocasión estará con nós o enxeñeiro, economista e dirixente nacionalista Camilo Nogueira Román. A presentación do noso convidado correrá a cargo da profesor Carlos Estévez.
Ao remate da conferencia-coloquio celebrarase unha CEA co conferenciante, podendo facer a súa reserva no 629 890 320 ou en resposta a este correo, tendo en conta que as prazas son limitadas. 

Mesa redonda "Lois Tobio" en Gondomar

Correo-e Imprimir PDF
Hoxe ás 20 h. na Casa da Cultura de Gondomar Mesa Redonda: Lois Tobío con:
Carlos Nuevo: Tobío e o Seminario de Estudos Galegos
Marga Romero: Tobío traductor
Emilio Insúa: Tobío e o estatuto de Galicia
Fernando Bartolomé: Tobío e o Conde de Gondomar

Modera: Carlos Méixome, director do Instituto de Estudos Miñoranos
Neste acto presentarase o libro Dous embaixadores: Gondomar e Digby . Traballo inedito sobre o Conde de Gondomar de don Lois Tobío

Nomeamento de don Lois Tobío Fernández como fillo adoptivo

Correo-e Imprimir PDF
O pleno do Concello de Gondomar do 9 de outubro de 2003 aprobou, por unanimidade e a proposta da alcaldía iniciar o expediente para declarar a don Lois Tobío Fernández como fillo adoptivo de Gondomar recollendo unha proposta neste mesmo sentido da Xunta de Goberno do Instituto de Estudos Miñoranos de 28 de marzo de 2003. A proposta dicía textualmente:
“ A pesar de que don Lois Tobío Fernández naceu en Viveiro (Lugo) e que a maior parte da súa vida transcorreu fora de Galicia o certo é que coas súas investigacións e publicacións sobre D. Diego sarmiento de Acuña, primeiro conde de Gondomar, o nome da nosa vila é coñecido nos círculos culturais de todo o mundo.” 

JPAGE_CURRENT_OF_TOTAL