Venres, 29 Mar. 2024

Actualizado10:50:26 PM GMT

Estás en Canais Ciencia e tecnoloxía

Ciencia e tecnoloxía - Val Miñor

Ten unha palmeira? Coñeza cales son as súas obrigas no caso de que lle ataque o picudo vermello?

Correo-e Imprimir PDF

Picudo vermello | Imaxe Prodidactic.comA proliferación de palmeiras no Val Miñor como ornamentación privada ou pública é abondosa. Dende xaneiro de 2013 a praga do picudo vermello as está a ameazar, infectar e estragar sen clemencia. Autoridades e espertos recoñecen as dificultades para combater esta praga unha vez que infecta un exemplar. Aínda máis evitar a propagación pola súa capacidade de desprazamento en voo.

A maiores os tratamentos ou erradicacións non son gratuítos, polo que á pegada medio ambiental hai que sumar o peso nos petos dos contribuíntes e nas economías dos propietarios particulares de palmeiras. Mais a “guerra” ao picudo está declarada, e tres consellos básicos se achegan dende todos os axentes implicados na causa: coñecer, detectar e informar.

POVISA despide a 12 traballadores pese a ter 11 milóns de beneficio e renovar o convenio co SERGAS

Correo-e Imprimir PDF

Centro POVISAA uns días de que sexan públicos os novos datos da situación das quendas en Galicia, o centro concertado POVISA, principal lastre da sanidade galega e hospital de referencia para os enfermos do Val Miñor, despedirá a doce traballadores pese a ter un beneficio de 11 millóns de euros e asinar recentemente un novo convenio co SERGAS por un tope de 75 millóns de euros anuais para os próximos dez anos.

En contra das recomendacións internacionais, España mantén a exclusión sanitaria de persoas inmigrantes.

Correo-e Imprimir PDF

imagenes Palma de Mallorca Thiago 23 years Brasil Foto Alessandro Grassani 855d69a5Amnistía Internacional, Centro por los Derechos Económicos y Sociales, Médicos del Mundo e Red Acoge denuncian que o Estado español incumpriu as recomendacións de diversos mecanismos de Nacións Unidas e do Consello de Europa, que pedían a reforma do Real Decreto Lei 16/2012 de 20 de abril, de medidas urxentes para garantir a sustentabilidade do Sistema Nacional de Saúde e mellorar a calidade e seguridade das súas prestacións (RDL). Lembran nun comunicado conxunto,  que o Estado español ten obrigacións legais en materia do dereito á saúde, tamén con respecto ás persoas migrantes en situación administrativa irregular.

Ante o caso Baleares, esixen investigar amaños na concesión do Novo Hospital de Vigo.

Correo-e Imprimir PDF

novos-hospital-vigoA suposta existencia dun amaño no concurso para a construción do hospital Sons Espases (Baleares) pon en alerta na Asociación Galega para a Defensa da Sanidade Pública. Sinalan que diante da confesión de dous empresarios á fiscalía do presunta existencia de irregularidades no concurso para a construción, explotación e mantemento dese hospital mediante a fórmula de financiamento Público Privada (PFI) similar á utilizada para construír o Novo Hospital de Vigo, corresponde esixir "o rescate inmediato da Concesión do Novo Hospital de Vigo", así como a "apertura inmediata dunha investigación sobre as irregularidades denunciadas desde o inicio da concesión e que xustificarían, ao noso entender, o rescate da mesma".

Os apicultores convocan reunións informativas sobre a avespa asiática

Correo-e Imprimir PDF

Niño de avespa asiátiva en Medialdea - (Foto Belesar Dixital)Convocadas pola Asociación Galega de Apicultura, teñen lugar en Viveiro e Santiago de Compostela.

As avespas asiáticas non só supoñen unha ameaza para as abellas se non que os cultivos de froita tamén estarían ameazados xa que unha vez pasado o verán roen na froita.

A sanidade pública galega, "en perigo de extinción"

Correo-e Imprimir PDF

conselleira-Sanidade-visita-hospital-Vigo"A sanidade pública galega está en perigo de extinción, ameazada de sufrir un colapso en canto se empecen a pagar os canons polos servizos externalizados e o gasto en farmacia e material siga sen control, a pesar dos copagos". É o presidente de SOS Sanidade Pública, Manuel Martín, quen fai esta advertencia ante o deterioro da sanidade púbica.

Os médicos cargan contra a lei do aborto de Gallardón.

Correo-e Imprimir PDF

medicos do mundo-Médicos do Mundo e tres sociedades científicas denuncian que a próxima lei do aborto “vulnera o dereito a decidir” e “atenta contra a igualdade e liberdade das mulleres”.

Ante a posible aprobación en Consello de Ministros do anteproxecto da lei do aborto, Médicos do Mundo e tres sociedades científicas federadas na Sociedade Española de Saúde Pública e Administración Sanitaria (SESPAS)  subscriben un comunicado onde manifestan a súa oposición a calquera diminución “da autonomía, os dereitos e a saúde das mulleres”. Sinalan que a modificación en estudo, “é contraria aos compromisos internacionais en materia de dereitos sexuais e reprodutivos”.

Solicitan ao Goberno español, ademais da retirada do texto lexislativo, que garanta o acceso a unha educación afectivo-sexual e que facilite ás mulleres o acceso a métodos anticonceptivos modernos e seguros, incluíndo a anticoncepción de urxencia.

Afirman que de aprobarse a norma, impoñerá unha demora dos tempos que pode afectar negativamente aos prazos recomendables para un aborto seguro. Ase mesmos  os médicos asinantes denuncian que incrementará a brecha de desigualdade social e económica, pois as mulleres “con suficientes recursos económicos evitarán ese calvario e buscarán a forma de interromper o seu embarazo fóra do noso país, mentres que as mulleres sen recursos recorrerán a abortos inseguros ou se verán obrigadas a facer fronte a embarazos non desexados”.

Por que a última manipulación de emocións de Facebook prexudica á ciencia (e aos seus usuarios).

Correo-e Imprimir PDF

facebook mordeNos últimos días desatouse unha polémica porque Facebook utilizou a 700.000 persoas para un estudo sobre contaxio de emocións na rede. A controversia por este estudo, que non é novo, podería acabar co equipo científico da empresa e co coñecemento académico das súas investigacións.
Entre o 11 e o 18 de xaneiro de 2012, os muros de case 700.000 usuarios de Facebook foron manipulados: sen previo aviso, reduciuse a probabilidade de que visen publicacións positivas ou negativas realizadas polos seus amigos (de fala inglesa). Como resultado, os usuarios estudados cambiaron a súa conduta: os que viron menos publicacións positivas, usaron palabras máis pesimistas ao cabo dunha semana e viceversa, os que viron menos negatividade nos seus muros foron algo máis positivos. "Publicaron como media unha palabra emocional menos, de cada mil palabras publicadas, ao longo da semana seguinte", explica Adam Kramer, do grupo de científicos de Facebook, que realizou este experimento xunto con investigadores das universidades norteamericanas de Cornell e California en San Francisco.

A Fundación Menela presenta un programa de educación permanente dirixido a persoas con autismo.

Correo-e Imprimir PDF

manela-en-nigranA Fundación Menela desenvolverá en Nigrán un programa de educación permanente destinado a persoas adultas con autismo. "Unha cuestión básica e fundamental ao longo de todo o seu ciclo vital", segundo explicou Cipriano Jiménez, director xeral da fundación durante a presentación do proxecto este venres no Salón de Plenos de Nigrán.
Destacouse a posta en marcha de programas estimuladores "para o enriquecemento" das súas habilidades sociais, autonomía persoal e preparación para a realización daquelas tarefas máis adecuadas atendendo ás súas posibilidades, "polo que o proceso educativo non debe acabar en ningún caso nas escolas de educación especial, senón prolongarse ao longo de toda a súa vida", apuntou o director de Menela.

JPAGE_CURRENT_OF_TOTAL