Como cada ano, o mes de agosto tráenos unha desas citas co ceo nocturno en forma dun fenómeno que popularmente coñecemos como "choiva de estrelas fugaces".

As choivas de meteoros prodúcense cando a Terra na súa órbita arredor do Sol, atravesa un tubo meteórico ou zona repleta de pequenas partículas (meteoroides), cuxo tamaño non adoita superar o dun gran de area ou mesmo menor e que foron liberadas por un cometa en sucesivos pasos anteriores. Cando unha destas partículas, que formaron no seu día a cola do cometa, entra na atmosfera terrestre, a fricción quéntaa ata vaporizala a gran altura (uns 100 km). Durante uns segundos, a partícula brila de forma intensa e precipítase a través da atmosfera terrestre dando lugar ao fenómeno que coñecemos como meteoro ou "estrela fugaz".

A Deputación anuncia proxectos de recuperación e divulgación dos xacementos arqueolóxicos da provincia.
A Deputación de Pontevedra pon en marcha o proxecto de recuperación dos xacementos arqueolóxicos da provincia cun grupo de arqueólogos e traballadores cos que o deputado Santos Héctor mantivo unha reunión a semana pasada. Serán 18 os castros intervidos no proxecto de recuperación dos xacementos arqueolóxicos da provincia.
Á vez, a presidenta provincial Carmela Silva manifestou a necesidade de promover os castelos da provincia de Pontevedra. Silva, xunto ó deputado Carlos López Font, fixo onte un percorrido para coñecer as instalacións do castelo de Soutomaior, que depende da Deputación.

Neste mes de viaxe nas augas abertas "Rostro" (o nome da tartaruga) percorreu 600 km, unha media de case 9 km/día, chegando a áreas mariñas oceánicas onde se superan os 4000 metros de profundidade e mesmo aos arredores da montaña submarina do Banco de Galicia.

As costas de Galicia supoñen un paso oceánico no camiño das tartarugas mariñas que procedentes das áreas de cría do Caribe se distribúen polo Atlántico ao longo da súa longa vida, para voltar a reproducirse nas praias de orixe.

Un conxunto de exercicios posturais e respiratorios coñecidos como "técnicas hipopresivas" ten tomado pulo na última década no eido das terapias e ximnasias saudables. As mesmas foron presentadas a pasada fin de semana en Nigrán pola Low Pressure Fitness, entidade promotora da especialidade. Agora será Gondomar quen acollerá unha conferencia e clase práctica sobre esta técnica este xoves 30 de xullos ás 19 horas no Centro Neural (Avda. Don Diego de Sarmiento de Acuña s/n).

Esta análise non outorga bandeiras para izar pero os seus informes son os que toma en conta o Estado español e a Unión Europea nas estatísticas e regulamentos oficiais. Nese senso a bisbarra acada boa nota pois sete praias ou augas de baño, segundo a terminoloxía do servizo, reciben  a excelencia, mentres que catro son cualificadas como boas.

Así o determina o informe de Vixilancia Sanitaria das zonas de baño de Galicia emitido para este verán polo Servizo Galego de Saúde. En Nigrán as praias de Patos, Área Fofa, Madorra e Lourido (Praia América), acadan a categoría "Marítima excelente", a mellor nota que outorga a avaliación baseada na normativa estatal e europea. A mesma cualificación obtén A Barbeira e a Dos Frades en Baiona, ao igual que A Ladeira, que tras catro tempadas con cualificacións negativas, dende o pasado ano logra superar os controis.

Usuarios e usuarias da rede social alertan da propagación dun virus cun vídeo pornográfico no que aparecen etiquetados toda a súa rede de amigos.

Fabook advirte da peligrosidade do mesmo, e habilita unha páxina para denunciar os casos.

A súa expedición permitirá incluír nun só soporte diversos documentos españois ademais do DNI, como ser o carné de conducir e os datos da Seguridade Social. Facilitará a usabilidade comunicando a información do carné a dispositivos móbiles así como o a desenvolvemento de estratexias de seguridade como os chats exclusivos para menores en Internet. Estas son algunhas das características salientables do novo DNI 3.0 segundo o director xeral da Policía, Ignacio Cosidó, quen o está a presentar nunhas xornadas ante autoridades do Estado e entes privados. A súa expedición anúnciase para antes de fin de ano en todo o territorio do Estado.

As emocións positivas ou negativas asociadas a unha marca determinan a fidelidade dos consumidores galegos ao devandito produto ou servizo, segundo revela unha enquisa asociada a unha investigación no eido das empresas da Universidade de Vigo.
A decisión de comprar un produto dunha determinada marca fronte a outro non é unha decisión puramente obxectiva. Tamén ten unha parte moi relevante subxectiva na que xogan un papel moi importante as emocións que xera esa marca e as súas competidoras no potencial cliente. A investigadora do campus de Ourense Susana Lourido vén de realizar un primeiro estudo exploratorio sobre "O efecto das emocións sobre a lealdade á marca nos consumidores galegos", a través de 215 enquisas a persoas que se declararon fieis seguidoras dalgún produto en concreto.