O vindeiro mércores 27 de agosto terá lugar unha Xeira do Instituto de Estudos Miñoranos  pola Fraga de Oliveira. O percorrido estará guiado por Xosé Ramón García, Xilberte Manso e Anxo Rodríguez Lemos , con quen visitarase unhas paraxes que están dacabalo dos concellos de Gondomar e Baiona, polas beiras do río da Groba, entre os lugares de A Granxa e Belesar en Baiona, e Abrullido e Oliveira en Gondomar. Deste último recibe o nome. O punto de encontro será no Mercado de Sabarís  ás 17:30 horas.

Este venres unha ruta organizada polo Instituto de Estudos Miñoranos permitirá percorrer a vila de Gondomar recreando o seu pasado dende o Antigo Réxime ata o século XIX. O arquitecto Antonio Soliño Troncoso será o encargado da guía que sen deixar de ollar o entramado urbano da vila condal da segunda metade do XIX e primeira metade do XX, centrarase naqueles testemuños inda vivos que a conformaron séculos atrás.

Xa está en marcha a 2ª maratón de artefactos flotantes sen motor coñecida como o "Flota como poidas". A mesma terá lugar o vindeiro domingo 24 de agosto a partir das 17:30 horas nunha travesía que irá da Ponte da Ramallosa ata a Praia Ladeira. O interesados en participar poden inscribirse ata o 22 de agosto a través do teléfono 676904007 ou na web www.sabarisonline.com , e na páxina de Facebook Sabarís es otra historia. Tamén no Mercado da Tía Ni, o Hotel Arce e a gasolineira de Baiona.
O evento está organizado pola asociacións COEMSA, OVALMI, Marisma da Ramallosa, o Club de Piragüismo Val Miñor e o Concello de Nigrán.

O vindeiro xoves de agosto 21 ás 20:00 horas no Pazo do Conde de Gondomar, o Instituto de Estudos Miñoranos en colaboración cos ESCENARIOS MUSICAIS dirixido por Manuel López-Benito organiza unha audición na que se pretende xuntar a divulgación da Música Clásica coa emoción de escoitala en espazos de relevo histórico.