Axenda
Convidan a preparar equipos de 6 a 10 persoas para participar do tradicional xogo do rastreo que desenvolverán o vindeiro sábado 6 de setembro pola noite. A partir das 21 horas terá lugar a inscrición dos equipos na Casa Veciñal de Couso onde comezará a partida. Obrigatorio levar papel, compás, bolígrafo e lanterna para participar do xogo. Aconsellan tamén levar roupa de recambio. O prezo por persoa é de 6 euros con dereito á churrascada que terá lugar o día 13 de setembro.
Axenda do Val Miñor
Os comuñeiros de Couso preparan unha noite de “rastreo” nos montes da parroquia.
Cartel final de grupos para a 2ª Ruta Musical en Sabaris
A asociación de comerciantes de Sabarís COEMSA deu a coñecer onte o cartel definitivo de grupos que encherán as rúas de Sabarís de música por un día.
Dez escearios e dez grupos que acturán dende as 11 da mañá até as 21h este sábado 6 de setembro, con variedade de estilos para todos os gustos.
Xeiras do IEM: unha viaxe pola arquitectura de Bar Bóo en Gondomar.
O vindeiro mércores 3 de setembro terá lugar a derradeira Xeira do IEM do verán 2014. A mesma leva por título "A arquitectura de Bar Bóo en Gondomar" e contará coa guía dos arquitectos Antonio Soliño e Rosa Mouriño. O punto de encontro será ás 19:30 horas na Aula de Cultura Ponte de Rosas, na Avenida da Feira nº10, baixo, Gondomar. A andaina non require inscrición previa.
Sabarís artella a programación cultural de setembro nun quilómetro de música ao longo da vila.
Funki, Rock, Música melódica, Folk, Jazz Fusión, Rap, Música do Mundo, Rock Metal..todo nun quilómetro. Dez grupos en 10 escenarios espallados ao longo de toda a vila, farán as delicias dos visitantes que o día 6 de setembro achéguense a Sabarís . Como na edición anterior haberá a disposición do público que a visite, un programa cos pases, estilo de música e localización dos escenarios. Os grupos farán dous pases, un de mañá e outro de tarde, no horario de 11 da mañá ás 21 horas.
Concerto da coral Stella Maris no Campos das Redes.
O grupo coral Stella Marís de Prieuge ofrecerá un concerto este venres ás 22:30 horas no Campo das Redes a carón das pistas de tenis municipais de Nigrán.
O coro parroquial Stella Maris naceu hai uns 60 anos, sendo o seu fundador Fernando Salgueiro García, avó da actual directora. Antigamente chamado o Coro Parroquial de Priegue a partir do ano 1993 pasa a denominarse Stella Maris, nome que conserva ata a actualidade.
JPAGE_CURRENT_OF_TOTAL
