A calor do fogar é intramundo de agarimo, comprensión e apoio mutuo. É núcleo de convivencia que nos forma e conforma como persoas útiles para nós mesmos e para quen nos rodea. Dános o pasaporte para unha convivencia social satisfactoria.

Mais hai veces en que o arrolo da tenrura e a íntima confianza familiar trocanse nun inferno de abusos, malos tratos, condenación e morte. 

A loita de Beatriz Figueroa non rematou. Nin contra o cancro nin contra o sistema da Seguridade Social que condena aos traballadores con esta doenza a enfrontala cun fixo mensual de 426 euros. Unha "tarifa plana" coa que ten que pagar o 40% dos medicamentos, e vivir, porque tamén ten dereito. O pasado 23 de abril a deputada Olaia Fernández poñía enriba da mesa da Comisión de Emprego e Seguridade Social unha proposición non de lei que redactara o tamén galego e catedrático da Universidade de Vigo, Jaime Cabeza. Case 400 mil sinaturas de cidadáns acompañaron a Beatriz ese día a Madrid. Mais a comisión rexeitou a proposta. Agora Beatriz e milleiros de persoas que dende toda España fixeron súa a causa queren acadar as 500 mil sinaturas na plataforma Change.org, para cando nas próximas semanas esta iniciativa de protección socio-laboral aos afectados entre a debate no pleno do Congreso dos Deputados.

O vindeiro sábado 6 de xuño, ás 18:00 horas, terá lugar a 4ª Asemblea do Circulo Podemos Baiona nas instalacións da sala "Ángel Bedriñana", no denominado Punto de Encontro (xunto á praza de abastos de Baiona), na rúa Carabela La Pinta.

Denuncian a diminución en dúas prazas do cadro laboral encargado do reparto na Unidade de Distribución Val Miñor que funciona na Ramallosa. Afirman que a decisión da directiva de Correos afectará o normal cumprimento do servizo, tanto pola sobrecarga laboral do persoal en funcións, así como pola falla de contratos para suplir baixas eventuais. Nese senso o sindicato convocou aos traballadores das oficinas de Baiona, Gondomar e Nigrán a concentrarse este luns 6 de xullo ás 9 horas na Rúa Xulián Valverde para reclamar a Correos “máis persoal no Centro de reparto do Val Miñor”.