A Concellería de Formación e Emprego de Gondomar xunto coa Antena da Cámara de Comercio de Vigo ofrecen 20 prazas para un curso gratuíto de operador de carretillas elevadoras . O mesmo, de 8 hora de duración se impartirá os días 20 e 21 de maio de 9:30 a 13:30 horas.

Medio centenar de afectados polas preferentes e subordinadas manifestáronse este martes ás portas do Concello de Baiona onde tiña lugar o pleno da Mancomunidade do Val Miñor. Un  cordón policial integrado por membros da policía local de Baiona e Nigrán e da garda civil foi o encargado de impedir o acceso dos manifestantes e incluso de algúns concelleiros, á sesión plenaria. Á saida do pleno, os alcaldes de Gondomar e Nigrán foron seguidos polos aforristas, mentres a casa do alcalde de Baiona foi obxecto dun “escrache”.

Representantes da CUT están ocupando nestes momentos a sede da Confederación de Empresarios de Galicia en Compostela. Durante esta ocupación ofrecerán unha rolda de prensa para presentar a manifestación do 1º de maio convocada por CUT, CNT e as Asembleas Abertas de Estudantes.

As persoas desempregadas que atenden os servizos de Cáritas demandan un maior compromiso por parte do goberno na políticas de emprego, transparencia na administración e que o control do gasto público "non empece polos servizos básicos dos cidadáns", segundo informou Félix Sánchez, un dos coordinadores da Memoria Anual de Emprego 2012, presentada nesta xornada en Madrid. O informe recolle a testemuña achegada por máis de 80 mil usuarios que no correr do 2012 solicitaron asistencia ou asesoramento ao Equipo de Promoción de Dereitos e Economía Solidaria de Cáritas.