O BNG de Gondomar quédase só na defensa dun novo Plan Xeral de Ordenación Municipal (PXOM) para Gondomar. De novo unha moción de urxencia presentada ao pleno polo Partido Popular centrou o debate da corporación en torno á recuperación do planeamiento de 2006, unha alternativa que o goberno rexeita por considerar que o documento está baixo sospeita, pero que para os grupos da oposición sería a "solución máis rápida" ao bloqueo urbanístico que sofren decenas de familias.

O goberno de Gondomar presentou unha alegación ao plan de infraestruturas da Xunta, Vigo Íntegra, para que elimine os proxectos que están contemplados neste Concello. O alcalde, Antonio Araúxo, cualificou onte como «un disparate» a intención de realizar unha vía de alta capacidade con características de autovía que enlace Tomiño co acceso da autoestrada en Areíña. O rexedor nacionalista afirmou onte que o trazado levaría por diante medio centenar de vivendas e desmembraría as parroquias de Vilaza, Chaín, Morgadáns, Peitieiros e Couso.

«Non podemos esperar seis anos para pór en marcha en Gondomar uns plans de vida que tiñamos programados para fai tres». Así se manifestaba onte o secretario da plataforma de afectados, Ricardo Gondell, unhas declaracións coas que resumía o sentir xeral dos membros desta entidade e o obxectivo da manifestación de onte.