O Xornal do Val Miñor. Baiona, Nigrán, Gondomar

As pezas son bifaces, lascas e núcleos usados como ferramentas de traballo fai máis de 300.000 anos. Os materiais descubertos están dentro da área onde se prevé instalar o parque eólico Albariño I. Novos achados arqueolóxicos puxeron en dúbida para o colectivo SOS Groba a viabilidade do parque eólico Albariño I. 

O venres 7 de marzo de 2008 terá lugar unha nova TERTULIA DO IEM. Nesta ocasión estará con nós FELIPE SENÉN LÓPEZ GÓMEZ, licenciado en Historia da Arte, arqueólogo, ex director-conservador do Museo de San Antón da Coruña, responsable da Asociación Amigos dos Museos, creador e director do Boletín “Brigantium, director de escavacións no Castro de Elviña, museólogo, fundador e animador de diversas asociacións culturais e publicacións, membro de diversas institucións culturais e Academias, ilustrador, cartelista, ameno conferenciante e comunicador en radio e televisión entre outras moitas cousas.

É un dos montes míticos de Galicia, o que se di que albergou o Olimpo celta e o que probablemente deu orixe a máis lendas. Pero o certo é que non se coñecían xacementos arqueolóxicos nel. É agora cando o Pindo, situado no concello de Carnota (A Coruña) mirando ao mar da Fisterra, ofrece da man dun descubrimento dos espeleólogos do Clube Maúxo de Vigo unha mostra clara da pegada dos nosos antergos. Trátase duns restos de cerámica correspondentes á Idade do Bronce que unha delegación do club entregará hoxe como depósito no Museo Arqueolóxico e Histórico de San Antón da Coruña. «A ver se así se ocupa algún arqueólogo de escavar en serio», di o gondomareño e secretario do clube, Xavier Groba.

As asociacións galego-portuguesas Ponte ... nas ondas! e Morraceira convocan o Certame Audiovisual “Conta onde vives” no seu desexo de contribuir a construcción da Eurorrexión e co fin de contribuir a unha reflexión sobre a identidade e o territorio como espazo onde se desenvolve e conforma a cultura galego-portuguesa. Para poder participar só é necesario facer unha gravación en vídeo do lugar onde vivas, unha reportaxe, unha crónica, unha denuncia, unha exaltación das excelencias....que penses sexa interesante onde se conte, de xeito orixinal, para o resto do mundo o "teu paraiso ou o teu inferno".

O blogueiro Dorfun impulsa unha idea para difundir os falangullos fóra da rede e compartilos gravados en CD. Como un xeito de promocionar os podcasts ou falangullos nace o podcrossing, unha distribución dese formato de comunicación en soporte físico, é dicir, gravados en CD. Inspirado no bookcrossing, xorde en Galiza un movemento impulsado polo blogueiro Dorfun, que explica a idea nun manifesto, do que se fai eco Podgalego.org.

O Val Miñor, unha comarca ligada tradicionalmente ao mar, envórcase agora cos seus montes. Os comuneros acumulan un total de nove proxectos que pronto poñerán en marcha e que, sen dúbida, contribuirán a mellorar a conservación dalgúns espazos naturais emblemáticos. Para iso contarán co apoio da Consellería de Medio Rural, que comprometeu axudas por un importe total de algo máis dun millón de euros.