O PSOE de Baiona critica a celeridade coa que o novo alcalde convocou un pleno extraordinário (3 dias antes que o ordinário), «con a única finalidade de determinar os sueldos dos seus socios». Os socialistas resaltan que Villar e Quintas cobrarán 47.236 euros anuais, «un 35 por cento mais que cando traballaban en excluvidade durante o goberno anterior».

Xesus Vázquez Almuíña converteuse onte no novo alcalde de Baiona tras prosperar a moción de censura que o Partido Popular e os dous grupos independentes presentaron contra o goberno de coalición de PSOE e BNG. Tras xurar o seu cargo, o flamante rexedor anunciou que nos próximos dias renunciará ao seu cargo de director provincial do Servizo Galego de Saúde (Sergas) para se dedicar  ao Concello de Baiona, que viu como se estreaba onte o seu quinto alcalde nos últimos cinco anos. Duas eleccións e duas censuras, ambas contra o PSOE, posibilitaron dito baile na alcaldía.

O BNG abandoará o goberno o próximo dia 23 defraudado cos seus sócios do PSOE. O portavoz, Xosé Enrique Fernández, acusou onte ao alcalde, Luis Carlos de la Peña, de non ter dignidade política ao oferecer un pacto de goberno ao PP sen contar co BNG.

Para Fernández, os socialistas son os responsábeis do xiro que dentro duns dias dará o goberno local por non ter buscado a estabilidade e estar mais pendente de cuestións partidistas. Engade que o PP non tardará mais de seis meses en se ficar en minoria.