O goberno municipal de Nigrán dedicará o próximo ano máis de dez millóns de euros a investimentos. Os dous primeiros anos do mandato de Alfredo Rodríguez estiveron dedicados a mellorar a cobertura de servizos básicos de saneamiento e auga potable e en diante a política municipal centrarase na humanización e urbanización das rúas.
O rexidor afirmou que co aumento de ingresos derivados da posta en marcha do plan xeral e do polígono de Porto do Molle, as arcas municipais poderán estar saneadas en poucos anos.