O Xornal do Val Miñor. Baiona, Nigrán, Gondomar

Un veciño de Donas foi multado o pasado 5 de decembro pola policía local de Nigrán logo de non ceder o paso na intersección da subida a Monte Lourido.

O veciño ten que facer frente a 200€ de multa e 4 puntos do carnet ante o que se considera unha infracción grave.

O alcalde de Nigrán e responsable da área de seguridade, Alberto Valverde, aseguraba onte nun comunicado que non existía "ni una sola sanción en los registros de la Policía Local de Nigrán" por no respetar a nova rotonda bautizada na subida a Monte Lourido e acusaba ao portavoz de UCN-CDL Antonio Fernández de "mentir" con fins políticos.

Valverde ía máis alá na súa acusación e aseguraba que Fernández facía referencia a unha sanción do 16 de xaneiro de 2014 a un conductor que dera positivo nunha proba de alcolemia e negaba calquera extratexia recadatoria por parte da administración local e reprochaba duramente ao edil centrista por "mentir".

VM.info tiña xa constancia da existencia polo menos dunha sanción a un veciño de Camos e ex-concelleiro, que durante o verán fora sancionado pola Garda Civil no mesmo punto e polo mesmo motivo no que até fai uns días era unha farola dentro dunha isleta, xa que non contaba con ningún tipo de sinalización.

A esta sanción de tráfico súmase a dun veciño de Donas que o pasado 5 de decembro ás 2:22 da madrugada era sancionado polos mesmos motivos e sen que a nova rotonda estivese sinalizada tal e como se atopa agora.

200 € de multa e 4 puntos de carnet por incumprir o Art. 57 do código de circulación por "non ceder el paso en una intersección a un vehículo que se aproxima por su derecha".  O vehículo ao que non cedera o paso este veciño de Donas era o propio da policía Local de Nigrán.

Recreación da infracción

Segundo recolle a alegación presentada polo denunciado, o pasado 2 de decembro ás 2:19h circulaba co seu coche pola Avda Praia América detrás do vehículo policial dirección á Estrada pola Vía (PO325), cando o coche patrulla abandona a calzada principal cara á subida de Monte Lourido para realizar novamente outro cambio de sentido á esquerda para volver a incorporarse novamente á rúa principal Avenida de Praia América. 

O denunciado alega que o lugar onde se situaba o vehículo policia non existía sinalización nin vertical nin horizontal que iditificase o lugar como unha instersección de carrís. Alega que tampouco existe marcas loxitudinais de separación dos carrís e por tanto que dera prioridade ao vehículo que accedese pola súa dereita, dado que en todo caso a intersección situaríase vinte metros máis atrás, xusto onde termina a estrada de baixada de Monte Lourido, e non dentro da suposta rotonda que naquel momento tampouco estaba sinalizada como tal.

M.F. entende que non infrinxiu o art. 57 por non ceder o paso na intersección xa que o que fixo foi continuar a súa traxectoria por unha vía preferente delimitada e pavimentada fronte a unha vía como a subida a Monte Lourido que non estaba delimitada nin pavimentada.