Afectados pola paralización urbanística do Concello de Gondomar esixiron onte ao alcalde, Antonio Araúxo, solucións inmediatas para desbloquear a situación. Un centenar de pequenos propietarios que compraron parcelas e que levan anos esperando a poder construír as súas vivendas reuníronse onte na casa da cultura de Gondomar.
Gondomar - Noticias de Gondomar e Val Miñor
Afectados polo urbanismo de Gondomar esixen unha solución rápida
A nova crise entre o PSOE e o BNG abre a porta a unha posible moción de censura en Gondomar
A ruptura das negociacións entre o PSOE e o BNG, para intentar chegar a un acordo de gobernabilidade en Gondomar deixa a porta aberta a un posible cambio político que, aínda que non pareza probable a curto prazo, si podería chegar a fraguarse a partir de agora.O PSOE de Gondomar considera oficialmente rotas a negociación co BNG polo pacto de goberno
O PSOE de Gondomar anunciou onte que «traballará desde xa na oposición» e ameaza veladamente ao alcalde, o nacionalista Antonio Araúxo, con presentarlle unha moción de censura.
Segundo o equipo do PSOE que negociou o pacto co BNG, que non chegou a asinarse, «os veciños deste pobo están sufrindo unha tremenda parálise pola incompetencia do goberno municipal, só preocupado en crear alarma social sen ter interese nin capacidade para resolver os graves problemas que padecen os veciños de Gondomar».
A conselleira de Vivenda visita hoxe Gondomar
A conselleira de Vivenda e Só, a nacionalista Teresa Táboas, visitará hoxe pola mañá o Concello de Gondomar. A titular da Xunta asinará co alcalde, Antonio Araúxo, dous protocolos de colaboración para levar a cabo actuacións de vivenda e de chan empresarial.
Nace en Gondomar unha plataforma de afectados pola crise urbanística
Afectados pola paralización urbanística de Gondomar comezaron xa a dar os primeiros pasos para constituír unha plataforma cidadá. O seu obxectivo é conseguir adhesións para converterse nun grupo forte que presione aos representantes políticos, co fin de que atopen unha solución a curto prazo que poña fin ao bloqueo existente nas licenzas de obra. Demandan unha solución rápida para poder empezar a construír nun ou dous anos de prazo
JPAGE_CURRENT_OF_TOTAL
