Xoves, 28 Mar. 2024

Actualizado10:50:26 PM GMT

Estás en Gondomar Veciños advirten da actuación de maquinaria pesada na zona de protección da Ponte Romana de Mañufe.

Veciños advirten da actuación de maquinaria pesada na zona de protección da Ponte Romana de Mañufe.

Correo-e Imprimir PDF
DSCF2110
DSCF2115
DSCF2113
DSCF2114
DSCF2108
  • Anterior
  • 1 of 5
  • Seguinte

As actuacións de maquinaria pesada no perímetro de protección da Ponte Romana de Mañufe esperta preocupación entre os veciños de Gondomar. Nomeadamente sinalan a construción dun obradoiro e os desprazamentos de terra que están a ter lugar a poucos metros deste ben patrimonial protexido, por mor das obras de saneamento. Se ben a alcaldía anunciou hai un ano que o proxecto non afectará a súa estrutura nin o antigo lavadoiro soterrado na beira sur do río Miñor, témese pola pegada que esta obra poida deixar cara a unha futura rehabilitación da ponte, xa comprometida pola Deputación de Pontevedra.

A necesidade de solucionar a deficiente rede de saneamento do municipio así como o endémico problema coas inundacións nas épocas de choivas, promoveron a intervención que leva adiante a Xunta a través de Augas de Galicia. Proxecto que orixinalmente, como denunciou no seu momento Valminor.info, prevía máis grampados de tubaxes sobre a Ponte Romana de Mañufe e a construción dun pozo de bombeo que afectaba o antigo lavadoiro de pedra a carón da mesma, hoxe soterrado.
En setembro de 2012 o conselleiro de Medio Ambiente, Territorio e Infraestruturas, Agustín Hernández,e o alcalde Fernando Guitián, anunciaban a modificación do proxecto orixinal, co xeito de evitar unha perigosa intervención na histórica ponte, así como no Acueduto do Bravo, sobre o río Vilaza, outro ben patrimonial que quedaba seriamente afectado.
Un ano despois as obras xa están á altura da ponte, mais a mesma carece de calquera tipo de protección ante posibles intervencións que afecten a xa delicada situación da súa estrutura.