Os traballadores municipais de Nigrán non brindarán este ano por Nadal. O anterior goberno municipal deixou tan empobrecidas as arcas municipais, que os actuais xestores locais xa non teñen diñeiro nin para invitar aos funcionarios o tradicional viño co que sempre se lles agasalla durante estas datas. Se queren desexarse un próspero ano novo, terán que facelo fose do Consistorio e ao terminar a súa xornada laboral.

O alcalde de Nigrán, Efrén Juanes Rodríguez, asumirá a dedicación exclusiva ao concello o próximo mes de marzo e responderá así ás esixencias continuas dos grupos da oposición, que insisten en reprochar as súas ausencias da Alcaldía.  A liberación do seu emprego suporá para Juanes un salario de 45.000 euros ao ano, o menor dos alcaldes da comarca e ata máis baixo que os concelleiros que contaban con dedicación de xornada completa no anterior mandato.

A concellería de medioambiente de Nigrán presentará o próximo venres 14 de decembro ás 20:00 horas no colexio de Panxón a Axenda 21 Local e os pasos que se van a seguir para a súa elaboración. Será un acto público aberto a todos os veciños e veciñas de Nigrán que queiran asistir. Un dos primeiros acordos que acadou o Pleno da Corporación Municipal foi a elaboración do novo Plan Xeral de Ordenación Municipal (PXOM) mediante un consello sectorial dentro da implantación da Axenda 21 Local. A súa función é a de acadar un xeito de desenvolvemento sostible para o futuro do concello de Nigrán.

Ás 09.30 horas desta mañá un vehículo atropelou a dous peóns en Nigrán. O accidente produciuse no lugar de Priegue (Nigrán) na estrada nacional que une Vigo e Tui, concretamente no quilómetro 8 da PO-552. As vítimas do atropelo foron unha viguesa de 39 anos, ferida leve, e a súa filla, unha menor que está ferida grave. 

Ver vídeo TVG