Mentres que a Deputación proxecta en Mos a recuperación da calzada romana para potenciar o turismo, en Chandebrito a comunidade de montes tapa a súa con cascallos. Os comuneiros desta parroquia arrasaron unha antiga vía que cruzaba o interior do núcleo rural. 

O taller de cerámica de Nigrán será trasladado á antiga escola de Cotros para poder demoler as actuais instalacións que son ilegais. O goberno local solicitou á consellería de Educación a desafección deste antigo colexio para poder levar a cabo os traballos de acondicionamento antes de que pase o prazo para a demolición da sede que foi executada sen licenza por parte do anterior goberno municipal.