O Concello de Nigrán colabora co Centro Cultural Parada do Miñor para organizar mañá sábado a primeira andaina "O Camiño do Terror" posposta o sábado anterior polo mal tempo e que parte dende o campo de futbito de Parada ás 22:30 horas.

O percorrido, no que haberá sorpresas relativas á temática de terror, discurrirá polos camiños de Montecastelo con parada no Mirador Monte dos Mouros. Está previsto que finalice no mesmo punto de saída ás 01,30 horas.

O vindeiro sábado dia 29 de agosto a partir das 17:30 horas dará comezo unha xornada de xogos populares e tradicionais na parroquia de Chandebrito. Durante tres horas haberá xogos e demostracións no torreiro vello da igrexa parroquial. Actividade de balde, organizada pola pola Concellería de Cultura e a Asociación Chandebrito 1807.

Este Sábado 29 de Agosto, a Banda Agrupación Musical de Vincios participará no XXVI Festival de Músicos Xoves da Agrupación Musical do Rosal. O Festival comezará ás 21h na Praza do Calvario do Rosal coa seguinte orde de participación: Banda Musical Lanhelense (Portugal), Agrupación Musical de Vincios e Agrupación Musical do Rosal.

Este  xoves a Capitanía Marítima de Baiona acolle unha conferencia baixo o título "El tango gardeliano. Poesía, amor desesperado, filosofía de la vida" na que se analizarán as letras dos tangos a partir dos seus creadores. A conferencia dará inicio ás 20:30 horas.