Ao abeiro da exposición "Olladas do mar", na Galería Sargadelos de Baiona, a Editorial Belagua e a escritora Isabel Blanco-Rivas organizan un festival poético baseado na súa obra Verbas cum, ilustrado por Irene Silva.

Estarán acompañadas por un nutrido grupo de artistas, que porán música e voz aos poemas de Isabel Blanco, mais tamén leranse poemas de outros autores e autoras que teñan o mar como referencia. Será o vindeiro xoves 13 de agosto ás 20:30 horas .

Orquestra Norcorea, Contracorrente, Millo e Kalambrazo son as bandas que participarán da edición 2015 do Torreiro Rock. Esta xuntanza rockera que vai pola súa cuarta edición, terá lugar este venres a partir 23:30 horas, no torreiro da parroquia de Priegue.

A colorida baixada de carrilanas terá a súa oitava edición o vindeiro sábado 15 de agosto.

A partir das 9 da mañá partirán dende a Rúa da Levada até o Camiño de Piñeiros. O evento recupérase a iniciativa do Centro Cultural a Camoesa e a asociación Eixo Tolo, coa colaboración do Concello de Nigrán e o patrocinio de Breogán Autolux.

O Concello de Nigrán amplía este mes de agosto a actividade de zumba en Praia América (en Lourido, xunto á escola de vela) a cinco días a semana, de luns a venres. Os horarios son: luns e mércores ás 13.00 horas e martes, xoves e venres ás 19.00 horas.