O Concello de Nigrán amplía este mes de agosto a actividade de zumba en Praia América (en Lourido, xunto á escola de vela) a cinco días a semana, de luns a venres. Os horarios son: luns e mércores ás 13.00 horas e martes, xoves e venres ás 19.00 horas.
O Concello decidiu ampliar a frecuencia desta actividade dos tres días á semana de xullo aos cinco de agosto ante o interese amosado polo gran número de asistentes, que ían en incremento sesión tras sesión. Ao lado de onde se realiza a actividade permanecerá instalado durante todo o mes o mercado de artesanías do mundo.
