O alcalde de Gondomar intentará hoxe por terceira vez que a oposición lle aprobe as dedicacións dos seus concelleiros e a contratación do persoal eventual. O BNG volverá ao salón de plenos en minoría tras non conseguir restablecer as negociacións co PSOE co fin de crear un goberno estable no municipio.

A Casa da Cultura de Gondomar acolleu onte a presentación da Feira de Artesanía “Gondomar a man” que se celebrará na Vila do 7 ao 9 de setembro. O alcalde de Gondomar, Antonio Araúxo, presentou o evento acompañado do concelleiro de Mercados e Feiras, Pauliño do Rio e o presidente de ACHEGO, a asociación de comerciantes e hostaleiros do municipio, Manuel Copena.

En  Porriño hai que esperar ata o 1 de outubro. Para evitar máis atrasos, haberá inspeccións móbiles desde hoxe en Sanxenxo, Bueu e Gondomar. Moita paciencia e tempo serán indispensables para aqueles condutores que teñan que pasar a ITV ao seu vehículo en Vigo. Onte, conseguir cita para a estación de Peinador non era posible ata o 26 de setembro.

Gondomar rexistrou onte unha nova agresión ao seu patrimonio histórico, nesta ocasión promovida por un ex responsable político da comarca. O ex alcalde de Baiona Benigno Rodríguez Quintas puxo en marcha a derriba de parte da muralla que rodea ao pazo de Barreiro, na parroquia de Vilaza, sen licenza municipal nin o permiso preceptivo da Dirección Xeral de Patrimonio.  Ver video TVG

Os gondomareños disporán nun mes do punto limpo para desfacerse dos residuos non aptos para o seu depósito nos colectores tradicionais. A xunta de goberno desbloqueou onte a situación da instalación e autorizou a firma do convenio coa comunidade de montes de Vincios para pór en marcha o servizo en setembro, segundo os cálculos do alcalde, Antonio Araúxo. A instalación leva dous anos paralizada, a pesar de que a Xunta terminou a súa construción fai dous anos.

O goberno local abriu catro expedientes nun mes e asegura que eliminará os rellenos en todo o municipio. O municipio de Gondomar rexistra máis de 50 vertidos ilegais de lixos, escombros e outros desechos en zonas forestales protexidas. O goberno municipal quere acabar con estes depósitos que agreden o medioambiente canto antes. Os nacionalistas denunciaron este tipo de delitos ecolóxicos en innumerables ocasións durante a súa etapa na oposición. Agora tratan de predicar co exemplo. En pouco máis dun mes de goberno, abriron catro expedientes e aseguran que continuarán esta política. "Hai que eliminar a idea de que Gondomar é ou vertedoiro do Val Miñor e arredores. Aquí viñan camións con cascallos impunemente e xa non vai ser así", explica o alcalde, Antonio Araúxo.

PP e PSOE impiden por segunda vez ao goberno local aprobar as dedicacións.
O goberno local de Gondomar continuará sen concelleiros liberados con dedicación exclusiva. A proposta do BNG volveu quedar onte sobre a mesa por iniciativa dos populares co apoio do PSOE, que se abstivo. Este asunto da sesión extraordinaria contemplaba as dedicacións exclusivas dos edís Pauliño do Río e Antón García, dado que o goberno local supón que manterá o soldo do anterior rexedor.

Gondomar contará o próximo outono co primeiro centro comarcal de Igualdade e Benestar.
«Este primeiro logro é símbolo de que gobernamos sen complexos»
O alcalde, Antonio Araúxo, presentou onte esta iniciativa xunto coa edil de Servizos Sociais, María Luisa Nogueira e Lois Castrillo, xerente do Consorcio Galego de Servizos, entidade que se fará cargo da posta en marcha do proxecto.
Este novo servizo prestarase desde unha planta baixa situada na céntrica Rúa do Emigrante e será un lugar de referencia para todos os veciños da comarcas do Val Miñor e do Baixo Miño.