Bombeiros traballan arestora para apagar un lumen declarado no vertedoiro ilegal de Nigrán
As lapas prenden arestora no vertedoiro ilegal do concello de Nigrán no barrio de Camesella (San Pedro), onde bombeiros da Xunta e Grumir afánanse en extinguilo.
As causas do lume ainda non foron esclarecidas, pero coinciden coas tarefas de retirada das toneladas de lixo e entullo acumulado no vertedoiro ilegal.
O lume sucede tan só un día despois de que o Concello se vise na obriga de inaugurar o novo punto limpo municial, rematado fai oito meses, sen que desta vez a titularidade da estrada que da acceso fose impedimento para a súa posta en marcha.
Todo apunta a que presión exercida pola denuncia dos socialistas ante o Seprona por un presunto delito medioambiental fose o detonante desta precipitada inaguración dado que o expediente iniciado pola benemérita podería carrexar unha sanción económica para o concello nigranés.
As imaxes da inaguración onte do novo punto limpo municipal, contrastaban coa imaxe do vertedoiro ilegal situado a tan só cen metros das flamantes e ainda non estreadas, instalacións anexas á Estación de Depuración de Augas Residuais. EDAR
Así a conselleira de Medio Ambiente, Territorio e Infraestructuras Ethel Vázquez. a delagada da Xunta de Galicia en Vigo, María José Brabo Bosch e o alcalde Alberto Valver, inauguraran as novas instalacións que tiveron un custe de 300.000 euros.
O retraso.
Segundo argumentaba o goberno municipal, o motivo do retraso da súa posta en marcha debeuse á falta de un acceso adecuado para vehículos pesados, no que a titularidade da estrada estaba disputada entre o concello e Zona Franca de Vigo propietaria dos terreos, que mantiñan un pleito do que pouco se sabe da súa resolución.
Pese a todo, o goberno municipal insiste en sinalar ao goberno anterior de Efrén Juanes, como o causante do problema de "alegalidade" do acceso, así como da orixe do vertedoiro ilegal do que o propio concello fai uso para despoistar residuos municipais.
A denuncia
A acumulación de lixo ás beiras da Estación Depuradora de Augas Residuais (EDAR) de San Pedro e a canle do Río Muíños foi obxecto dunha inspección e apertura de investigación por parte dun operativo do SEPRONA. O vertedoiro ilegal acolle "rodas, neveiras, ordenadores, televisores, colchóns, restos de obras, e lixo de todo tipo, cun grave perigo sanitario e ecolóxico" segundo denuciaba Juan González. "As ratas multiplícanse e se non se toman medidas inmediatas pode producirse un importante risco sanitario", advirtía o edil Juan González (PSOE).
González afirmaba que o concello puxera como solución ao problema tapar cunha tela o perímetro do vertedoiro para que non se vise dende o exterior o lamentable estado da zona.
Fontes consultadas sinalan á posibilidade de que a denuncia dos socialistas terminaran nun expediente sancionador ao concello de Nigrán, de ahí a premura por inaugurar as novas instalacións, e de iniciar as tarefas de limpeza do vertedoiro. Tarefas anunciadas onte polo alcalde de Nigrán durante o acto de presentación.
Polo de agora descoñécese a opinión do propio concelleiro da área de Medioambiente de Nigrán, Antonio Vidal, que ocupa o cargo dende febreiro deste ano logo da dismisión do ex-concelleiro de vías e obras imputado na operación Patos.
