O Concello de Nigrán acolleu onte a presentación do proxecto europeo ECO-NAT de transferencia da innovación e boas prácticas. Este proxecto está enmarcado no programa Leonardo dá Vinci dos programas de aprendizaxe permanente da Unión Europea. A asociación transnacional encargada de levar a cabo este proxecto está liderada pola empresa Espazo Ensina, de Nigrán, e conta con seis socios de diferentes países europeos (Islandia, Letonia, Bulgaria, Rumania e España) e un orzamento cofinanciado polo Organismo Autónomo de Programas Educativos Europeos (OAPEE) de 300.000€
Os obxectivos deste proxecto sona a xeración emprego na zona aproveitando as áreas pertencentes á rede natura 2000, transferir unha guía de boas prácticas resultado do proxecto europeo NATURANET, crear un espazo web de información e diseminación dos resultados, crear un curso piloto co obxectivo de avaliar os resultados para que sexan aproveitados polos diferentes organismos interesados en colaborar, realizar accións formativas en diferentes colectivos e empresas da zona que teñan relación con esta temática, seguir colaborando coas iniciativas e o esforzo das pemes na creación de novos programas de formación que poidan abrir portas a un mercado laboral europeo e xerar novos postos de traballo, en se intervención.
Según o comunicado, o Alcalde de Nigrán Alberto Valverde, salientou a importancia de utilizar os recursos naturais e ambientais de Nigrán como unha oportunidade para fomentar non só o atractivo turístico do municipio senón tamén as iniciativas formativas e empresariais "verdes". Neste sentido destacou a inclusión do estuario do Miñor e as Illas Ronseis como parte integrante da rede natura 2000, e fío condutor do proxecto europeo ECONAT presentado hoxe.
