-Vídeo con tódolos goles do partido Gondomar C.F. ante o C.D. Estradense.

A categoría infantil das Escolas Deportivas Val Miñor obtivo o pasado sábado otítulo de campión da zona sur da Liga Infantil Galega, por diante do Areosa,ol R.C. Celta de Vigo e o Pabellón Ourense. Dous anos despois de lograr este título, e tras un segundo posto na pasada edición, o club de Nigrán disputará os play off para optar ao título autonómico, nunha competición a partidos de ida e volta que enfrontará aos oito mellores clubs da zona norte (Lugo e A Coruña) e de la zona sur (Ourense e Pontevedra), entre os que figuran ademais dos mencionados o Deportivo, Boiro, Bergantiños e Conxo.

Achégase o entroido e como cada ano o Clube de Surf Patos organizará unha das súas xornadas mais divertidas. Os entroidos surferos de Patos 2013.

Todos os surfeiros de Patos reuniranse este sábado 9 de febreiro ás 11:00 da mañá para tentar surfear disfrazados. Requisitos indispensables a imaxinación e creatividade. Os colaboradores premiarán aos disfraces mais orixinais.

Un tema importante ater en conta, segundo sinalan os organizadores, é que os disfraces non conteñan pezas ou obxectos que poidan danar ou quedar perdidos na auga. Os técnicos da escola de Surf de Patos realizarán unha inspección previa.

Promete un chocolate quente ao saír da auga, dadas as temperaturas destas épocas do ano.

O Gondomar C.F. é dende este domingo o líder da Liga Preferente Sur tras derrotar por 5 – 0 ao C.D. Estradense no campo de fútbol A Gandara de Chaín. Os brancos remataron o primeiro tempo cun 2 – 0 que ampliaron sen dificultades no segundo ata completar a lotería. Entre mentres, en Sanxenxo o local Xuventú Sanxenxo empatou a cero co ata entón líder da táboa o Cultural Areas. Igualados en 46 puntos pero cun mellor saldo de goles, o Gondomar CF ocupa a 1ª posición e o Cultural Areas a segunda, ao rematar a 23ª xornada de liga.

O Gondomar C.F. (3º) enfronta un partido decisivo que o pode deixar na cabeza da táboa da Preferente Sur. A dous puntos do Cultural Areas(1º) e a tan só un do Club Xuventú Sanxenxo (2º), enfrontará ao CD Estradense (14º) a partir das 16:30h no campo de A Gándara de Chaín. Media hora despois, comezará en Sanxenxo o partido que enfrontará aos punteiros do torneo. De gañar, os gondomareños aseguraríanse polo menos a segunda posición do torneo, nesta 23ª xornada.

O XIV Cross Escolar do Val Miñor congregará este domingo a máis dun millar de cativos no antigo campo de fútbol de Santa Marta, en Sabarís. As inscricións aínda están abertas e poderanse cumprimentar ata o vindeiro xoves 31 de xaneiro no pavillón de deportes de Baiona ou no teléfono 986356558. Tamén no correo Este enderezo de correo-e está a ser protexido de robots spamers, precisas activar o JavaScript para velo .

A concelleira de Deportes de Gondomar, Natalia Salgueiro, valorou positivamente as actividades deportivas celebradas durante a tempada do Nadal no municipio e adiantou a súa intención de continuar traballando durante este novo ano a prol de actividades deportivas e de ocio dirixidas a todas as idades.

Baixo a organización da Concellería de Deportes en colaboración coa Sociedade Atlética Val Miñor, e da man do que fora presidente desta, José Luis Ferreira, o medallista José Manuel Abascal ofrecerá unha charla o vindeiro sábado 29 de decembro no auditorio municipal do Concello de Gondomar, a partir das 12:30 horas.