-A proba disputarase o domingo pola mañá, e levará aos participantes a realizar 1,9 quilómetros a nado, 90 en bicicleta e 21 correndo entre os municipios de Vigo e Nigrán.
A primeira edición do Tríatlon Medio Ironman Desafío Illas Cíes disputarase o vindeiro domingo coa participación de 500 atletas. A totalidade das prazas ofertadas pola organización desde o pasado mes de xaneiro cubríronse, quedando en lista de espera máis de 250 persoas. Aínda que o 80% dos inscritos son galegos, os 100 participantes restantes proceden de diversos puntos da península, mesmo das Illas Baleares.