A Secretaría Xeral de Política Lingüística xa ten dispoñible para descargar o corrector de galego 'Imaxin Galgo 2.0', unha ferramenta que adiantan "facilitará" o uso do galego dentro das novas tecnoloxías. Trátase do primeiro corrector que soluciona non só erros de carácter tipográfico e ortográfico, senón tamén léxicos, que se poden atopar en textos escritos en galego.

A Fundación de Fronteras Electrónicas publica unha serie de consellos para axudar a webs pequenas e independentes a evitar os ataques distribuídos de denegación de servizo ou DDoS.

Colectivos vencellados á ciencia, a cultura e as novas tecnoloxías amosarán na veciña parroquia de Valadares as súas últimas achegas e proxectos na Feira Imaxinaria Contemporánea 2012. O evento propiciará unha "residencia colectiva" do 23 ao 26 de agosto de creadores e investigadores destes eidos nas instalacións do Alg-a Laboratorio, situado no Camiño da Igrexa, 254. Nas xornadas compartiranse obradoiros e instancias de divulgación de diversos proxectos nun marco de convivencia onde non faltarán anacos para as representacións artísticas e o lecer.

Sir Tony Hoare, que recibiu o ‘nobel’ de computación en 1980, defende a “enorme contribución da tecnoloxía” ao desenvolvemento do resto de ciencias.

Se Tony Hoare fose físico, químico ou biólogo tería un premio Nobel, ademais dun título de sir. Como é informático, o que ten é un premio Turing, que é a maior distinción das ciencias da computación pero tan descoñecida para o gran público como o é, tristemente, o extraordinario matemático que lle dá nome. Alan Turing é o pai da intelixencia artificial, e non é esaxerado dicir que o seu traballo, ao descodificar as mensaxes encriptados das complexas máquinas nazis Enigma, foi decisivo para que os aliados gañasen a II Guerra Mundial. A súa vergoñosa morte tras ser condenado por sodomía, ao recoñecer a súa homosexualidade, só agrandou a súa lenda na comunidade científica.