Fernández Comesaña increpa ao alcalde de Nigrán por negarlle acceso ao novo documento do PXOM.
-UCN afirma ter sospeitas de que o alcalde de Nigrán non conta co apoio do seu grupo para sacar adiante o PXOM e adiante que se aveciña unha crise de goberno municipal.
O concelleiro Fernández Comesaña (UCN-CDL) volve a confrontar co rexedor Alberto Valverde polo que denuncia unha "inxustificada negativa" do alcalde a entregar copia do Plan Xeral de Ordenación Municipal (PXOM), achegado recentemente polo equipo redactor. O edil sinala a súa preocupación xa que o alcalde anunciou que en "breves semanas" convocará o pleno de Aprobación Inicial, sen que a oposición teña coñecemento da dimensión das correccións que tras as múltiples pegas dos técnicos municipais e as diversas administracións obrigaran a unha nova redacción do mesmo.
Comesaña presentou un escrito con tal reclamación o pasado 4 de maio obtendo a negativa do alcalde baseada, segundo o denunciante, en que está sendo "revisado polos técnicos municipais". Ante isto, o edil protesta porque afirman que a oposición ten dereito a verificar, "si realmente foron corrixidos os graves erros iniciais, o polo contrario, trátase dun novo documento do PXOM, coa incorporación de cambios substanciais, que obrigarían a emitir un novo informe previo á aprobación inicial, pola Xunta de Galicia".
Segundo o centrista, con esta actitude, Valverde "o único que consigue é levantar maiores sospeitas" sobre o documento. Por elo cualifica ao rexedor de "antidemocrático e propotente", "incapaz de dialogar e consensuar" coas demais forzas. Finalmente, Fernández Comesaña asegura nun comunicado emitido este mércores, ter "sospeitas" de que Valverde "non ten garantido o apoio" dentro do seu grupo, polo que adianta que "pode aveciñarse unha grave crise de goberno, a corto prazo".
