Alberto Valverde anunciou nesta xornada que completar a rede de saneamento nas parroquias de Camos e Parada é que "un dos grandes obxectivos no seu mandato". Desexo que tamén transmitiu ao conselleiro Agustín Hernández na pasada reunión mantida en Santiago. O rexedor salientou que a devandita obra, cumprimentada coa achega da rede de auga potable é fundamental para estas zona onde "teñen grandes problemas de abastecemento".
Neste senso, cualificou o encontro mantido có conselleiro de Medio Ambiente, Territorio e Infraestruturas de" moi satisfactorio", xa que dá cumprimento a unha das maiores e urxentes necesidades do municipio a resolver. "Completar e mellorar a rede de seaneamento e abastecemento de auga en Nigrán é unha necesidade e un compromiso do goberno local", sinalou Valverde.
"É inconcebible que no século XXI un municipio como Nigrán non conte cunha infraestrutura hidráulica en condicións, que dea cobertura a todos os veciños e veciñas, polo que faremos os esforzos necesarios para que os nosos veciños e veciñas teñan estas necesidades básicas cubertas", afirmou Valverde