Alberto Valverde acusa ao anterior goberno socialista do atraso na remodelación da Rúa San Roque.
O Concello de Nigrán prevé rematar esta semana a segunda fase do proxecto de remodelación da Rúa San Roque, na parroquia de Camos, co asfaltado da mesma. O rexedor Alberto Valverde asegura que o novo goberno xa está realizando as xestións necesarias para iniciar e finalizar canto antes a III fase do proxecto. Estas obras abarcarían o último tramo do viario, ata o Torreiro de San Roque, durante unha distancia aproximada duns 300 metros. "Trabajaremos con la mayor diligencia posible para darle a todos los vecinos y vecinas de Camos el vial que se merecen”, sinalou o alcalde de Nigrán.
Valverde tamén informou que a finalización da II fase das obras deste viario prodúcese un ano logo da data comprometida polo anterior alcalde de Nigrán, Efrén Juanes, quen determinara a finalización das mesmas en agosto de 2010. Ademais, o rexedor denuncia que o anterior goberno municipal deixou o proxecto sen contemplar a sinalización e o pintado do viario, " un ejemplo más que, junto el nuevo edifico del Ayuntamiento, la ineficacia en el modo de trabajar del anterior gobierno del PSOE ", subliña. Neste sentido, o alcalde agrega que se están buscando as fórmulas para emendar esta situación para que a Rúa de San Roque estea en perfecto estado e segura para o seu uso.
