Continúan traballos de asfaltado en varias rúas de Nigrán.
Dende o pasado mércores 19 de xaneiro a empresa COVSA ven de comezar o asfaltado das rúas do Souto e Pereira en San Pedro da Ramallosa ao que lle seguirán durante as próximas dúas semanas a pavimentación dos Camiño do Quinteiro e Bouzavella (Panxón), Rúas Recosto e Pedrosas (Parroquia de Priegue), Rúa da Casanova (Parada) e Camiño da Troca (Camos) informou o concelleiro de urbanismo de Nigrán Juan González.
Ademais do asfaltado os traballos consistirán no varrido e limpeza da superficie a pavimentar, capa de rodadura M.B.C. tipo D-12 de 5 cm. espesor, recrecido das arquetas e pintura do vial. Rematarase esta primeira fase co cambio de firme bituminoso en todo o Carril Bici entre A Ramallosa e o A Foz," unha obra de gran necesidade dado o defectuoso estado do mesmo sobre todo na zona de A Ramallosa" afirma González.
Segundo o concelleiro de urbanismo estas inversións inclúense dentro do Plan de investimentos da Deputación Provincial de Pontevedra para o período 2009 que se destina para Nigrán en función da súa poboación e territorio e que o Goberno do Concello de Nigrán priorizou en asfaltados de viais e no acondicionamento das Prazas Públicas de San Roque de Camos, Sancho de Panxón e San Pedro da Ramallosa así como o novo acceso ao Colexio Humberto Juanes en Nigrán.
