Dez mulleres de Nigrán que non puideron rematar o ensino primario entre 1940 e 1970 por mor da discriminación por xénero, reflexionan sobre como afectou iso as súas vidas. Actuais alumnas do curso de reforzo escolar para adultos que brinda o Concello, decidiron deixar o seu testemuño nun documental producido polo Centro de Información á Muller e dirixido por Franco Tedesco. A película, que leva por título "Lembrando a Escola" será proxectada este venres 9 de marzo, ás 20 horas, no Salón de Pleno do Concello de Nigrán, no marco dos actos de conmemoración do Día Internacional das Mulleres.
A película é froito dun traballo que por meses, ademais das entrevistas, pescudou nos álbums familiares do municipio a fin de contextualizar os relatos. Imaxes de nenas cativas condenadas ás tarefas das casas, o coidado dos seus irmáns, o traballo nas leiras e sen tempo, as veces nin permiso, para asistir ás aulas.
Un testemuño de dez persoas, pero que sen dúbida reflicten a vida de miles de mulleres que padeceron os arquetipos de xénero da sociedade. A produción foi coordinada pola Concellaría de Patrimonio, Xuventude e Igualdade de Nigrán,
Ficha técnica:
Dirección, guión e montaxe: Franco Tedesco
Cámara 1: Franco Tedesco
Cámara 2: Amalio Sanchez López
Xénero: Documental
Duración: 50 minutos
Protagonistas dos testemuños:
Carmen Fernández Costas (Profesora do Curso de reforzo Escolar de Nigrán)
Benilde Valverde González
Trinidad Valverde González
Ana Esperanza Valverde Pérez
Nemesia Cabral Durán
Josefina Cabral Durán
Dolores Sanromán
Carmen Rúas Fernández
María Rial Doldán
María Luisa Iglesias Vieitez
Encarna Estevez Gregores
