Xoves, 28 Mar. 2024

Actualizado10:50:26 PM GMT

Estás en Canais Ciencia e tecnoloxía Saúde 1425 millóns para financiación do novo hospital de Vigo que reduciu 500 camas das 1400 previstas

1425 millóns para financiación do novo hospital de Vigo que reduciu 500 camas das 1400 previstas

Correo-e Imprimir PDF
Obras do novo hospital Vigo en Valadares | Sergas

A Federación de Sanidade de CC OO de Galicia denuncia a «campaña de propaganda» da Xunta sobre o novo hospital de Vigo. O sindicato faise eco dunha publicidade que o Goberno autonómico inseriu en varios xornais co lema «cada euro conta» e na que aparece a imaxe do centro vigués.

 O sindicato concorda con que «cada euro conta», ora ben, Comisións critica que Alberto Núñez Feijóo decidira suspender un proxecto de hospital que estaba acordado cos profesionais e cos axentes sociais, que ía custar 390 millóns, que se executaría a través dunha sociedade pública de investimentos e atendería unha poboación de referencia de seiscentas mil persoas, incluíndo as que actualmente atende o centro privado POVISA.

Pola contra, Feijóo apostou por hospital financiado de maneira privada, cunha concesión a vinte anos e un custo de 1.425 millóns «que deberá pagar a sociedade galega», sinala Ángel Cameselle, secretario xeral de CC OO-Sanidade. Ademais, o novo centro será máis pequeno do que estaba proxectado ao primeiro, co que se manterá o «déficit asistencial» no sur de Galicia e continuará o concerto con POVISA, que custará 760 millóns durante dez anos. «En resumo, unha hipoteca que pagaremos todos os galegos e galegas», censura o sindicalista.