Esquerda Unida do Val Miñor fai un chamamento para concentrarse na Ramallosa con motivo da folga xeral
ESQUERDA UNIDA do Val Miñor, organización integrante da nova formación política que concurriu ás recentes eleccións autonómicas Alternativa Galega de Esquerda, fixo onte un chamamento aos veciños e veciñas do Val Miñor a concentrarse na Ramallosa o día 14 de novembro co gallo da folga xeral convocada para ese día.
A concentración, que será unha mostra de apoio á convocatoria de folga xeral, está programada para as 17:00 do mércores 14 de novembro fronte a Capela de San Campio, na rotonda de Ramallosa en Nigrán.
"A situación é dramática con continuos recortes de dereitos, tanto laborais como sociais, que xa están a producir as primeiras vítimas mortais. Para parar estes ataques é necesaria unha mobilización dos traballadores, dos 5000 parados da comarca e de toda a poboación, xa que todas as persoas están afectada polas políticas neoliberais que están a levarse a cabo".
Esquerda Unida sinala o caracte desta folga xeral de traballadores como unha folga social, onde non se consuma, e non se empreguen os servizos públicos y convidan a secundar á participación a estudantes, xubilados, pensionistas, autónomos, etc.. a través das mobilizacións convocadas en todo o país.
