O Xornal do Val Miñor. Baiona, Nigrán, Gondomar

Alternativa Galega de Esquerda no Val Miñor organiza un encontro aberto á cidadanía para informar e debater sobre os orzamentos autonómicos de 2015. Para iso contarán coa presenza dos parlamentarios de AGE, Eva Solla e Antón Sánchez que dialogarán cos asistentes. Será este venres 12 de decembro ás 20 horas no Hotel Soutomaior de Nigrán.

Os membros locais de AGE, José Cuevas e Xosé Manuel García Crego adiantan que a presenza dos parlamentarios servirá ademais para debater sobre a situación xeral do país e a actividade parlamentaria que está a desenvolver esta formación liderada por Xosé Manuel Beiras (ANOVA) e Iolanda Díaz (EU).
Adiantan que o público asistente poderá intervir e debater sobre a problemática da comarca do Val Miñor e sobre os temas xenéricos que se consideren. "É vontade de AGE manter no futuro inmediato un contacto máis directo e inmediato coa veciñanza miñorana e, para iso, establecerase unha canle de comunicación áxil e doada" sinalan.